عليت الزغاريط في بيت عبد القادر والكل كان فرحان برجوع زين اللي كان واقف وحاضن امه بشوق وهي حاضناه بلهفة وبعديها سلم علي ابوه سلام حار ودخلو كلهم،، وفي نفس الوقت كانت نازلة مهرة عالسلم ووقفت اول ما شافت زين واقف وهو كمان اول ما رفع عنيه وشاف مهرة ابتسم بتلقائية وكملت مهرة ونزلت وهي بتبتسم وبعدين قربت منه
مهرة بابتسامة / حمدالله عالسلامة يا واد عمتي
زين بابتسامة جذابة / الله يسلمك يا مهرة ،، كبرتي !
مهرة بحزن / مفيش حاچة بتفضل علي حالها ،، انت كمان اتغيرت ،،بجيت بتتحدت زي بلاد برة
ضحكو كلهم علي كلام مهرة وزين كان مثبت نظره عليها لحد ما انتبه لصوت (علي) ابن عمه اللي دخل من باب البيت بصوته العالي
علي بحماس / وه ،،بجي زين الرچال رچع ،،يا الف نهار ابيض ،،كيفك يا واد عمي
زين وهو بيحض*نه / الحمد لله يا علي ،،انت عامل ايه ،،ليك وحشة
علي بغمزة / لا يا راچل ،،طب كنت اسأل حتي ،، عموما اديك رچعت ومن اهنه ورايح مهنخلصش من بعض ،،ده احنا بجينا اهل ونسايب كمان
استغرب زين وبص لابوه باستفهام
عبد القادر بابتسامة / ايوة يا علي ،، بس علي الله تبطل تضايج في البنتة وتخليها مش طايجاك عشان الچوازة تكمل
علي قرب من مهرة اللي كانت باصة لزين ببهتان وفي نفس الوقت مضايقة من علي
علي بخبث / بجي بزمتك يا مهرة ،، انا بضايجك ،،بجي حد يضايج الجمر دي ،،
قبض زين علي ايديه بغضب وكأنه بيحاول يتحكم في نفسه وكان حاسس بن*ار في قلبه
زين بخوف / اتجوزتو ؟
هنية بابتسامة / لاه لسة ،، دول اتخطبو بس يا ولدي والفرح مهرة مأجلاه لبعد الثانوية بتاعت امها
زين مردش ومعلقش علي كلام امه بس كأنه قدر ياخد نفسه شوية لما اتنهد براحة وبص لامه
زين بابتسامة / انا جعان ووحشني اكلك يا ست الكل
هنية بلهفة /من عيوني يا ولدي ،،بس مهرة اللي طابخة الوكل انهارده كله ،،صممت تعمله هي ومتخلينيش اساعدها واصل
زين بص لمهرة اللي اتوترت وسابتهم ومشيت ناحية المطبخ وزين عنيه متابعاها
يتبببببببببببببببع