انا عارف ان ليا عيوب زيي زي اي بني ادم وانها كانت مستإنجابه عيوبي زي ما امي عاشت عمرها تستإنجاب عيوب ابويا وزي ما اختي عايشه عمرها تستإنجاب جوزها وانا والله كنت بقدر انها فعلا مستإنجاباني بس قرار هدم البيت بالسهولة دي مش قادر استوعبه. هي شايفه انها مش محتاجاني خالص ولا حتى لشقتي عشان اهلها عندهم بيت عيله وليها شقه فيها وعشان بتشتغل ومن فترة زودولها المرتب وكمان ابوها وضعه المادي كويس ومش هيقصر معاها.
بس هي مفكرتش في الولاد خالص. بقولها ولادي محتاجين لابوهم في حياتهم حتى لو انتي مش محتاجاني قالتلي انت حر لو عايز تفضل ابوهم او تنفضلهم بس انا مش هعيش معاك عشان انت تفضل في حياتهم
الفتره دى كلامي معاها قليل وانا مجروح منها جدا وعارف انه مش فارق معاها اني مجروح عشان هي فاكره انها هتمشي وبتحاول تنظم حياتها عالاساس دا بس انا بحاول اشوف ايه اللي اقدر اغيره في العيوب اللي قالتها وبرجع البيت بدري وبقعد معاها ومع الولاد وبجيب حاجات للبيت حتى من غير ما تطلب وجبتلها هدية بمناسبة العيد وطبعا ولا فارق معاها