ازيكم يا ستات
عايزه رأيكم في حاجة
احنا بنتين وولد ودلوقتي اخويا اتجوز
بره في منزل لوحده وكلنا ساعدناه وووقفنا جنبه رغم إن ماما ست كبيرة وتعبانه وكان نفسها تفرح بيه معاها في البيت بس احنا قولنالها طالما مراته عـL!!!!!وزo تبقى لوحده خلاص متتدخليش وربنا يهنيهم
البنت من ايام الخطوبة طايحه فينا أقل حاجة تحصل تقل ادبها وتتصل بينا تستفزنا وتسجل المكالمه وتسمعها لاخويا
انا واختي قولنا بلاش نكلمها خالص وخلاص عشان متوقعش بيننا وبين اخونا
جت اتجوزت وبقت اسوأ
بعد الفرح بشويه اخويا سابها وسافر وهي قررت تقعد في شقتها لوحدها
ماما قالتلها تعالي اقـoـدي معانا قالت لا قالتلها براحتك
تيجي بيت بابا كل اسبوع تاخد من كل حاجة
وماما تروح السوق تجيبلها كل طلباتها
قولتلها يا ماما انتي ست كبيرة ومكنتيش بتطلعي سوق اشمعنى دلوقتي ما تسيبيها تجيب لنفسها قالت عشان زعل اخوكي
تيجي تبات في البيت اليوم بتاع كل اسبوع ده وماما تحضرلها فطار وغدا وتدخلهولها السرير
جه بابا بيكلم اخويا قدامها في التليفون وبيطلب منه إزازة مسك وهو راجع أخدت التليفون من بابا وقالت لاخويا اوعي تجيب حاجة وزعقت في بابا وقالتله اخر مرة تطلب منه حاجة ده متغرب وشقيان مع العلم والله عمره ما تخلصت لحد حاجة
من المواقف دي كتير بقه وبابا وماما كانوا بيخبو علينا عشان ميزعلوناش
الاسبوع ده ماما جالها جلطة في رجلها وفي اليوم ده كنت انـL بعمل عملية واختي معايا ومنعرفش بتعب ماما
ف كان لازم ماما تروح تكشف في البلد اللي فيها منزل اخويا ف بابا اتصل بمرات اخويا قالها بعد اذنك انزلي روحي مع حماتك للدكتور قالت حاضر
راحت ماما قعدت في الشارع قصاد البيت عندها اكتر من ساعة تستناها
وبعدين اتصل ب بابا قام اتصل عليها قالها حماتك قاعده في الشارع قالتله محصلش انـL نزلت وملقيتهاش ومش نازله مع حد خلاص
اضطرت ماما تتعكز وتروح للدكتور لوحدها
وتتحايل عـLـي واحده في الشارع تطلعها السلم وتتحايل عـLـي التمريض يسندوها ينزلوها
ويا قلبي جت من عند الدكتور تبكي
اتصل بابا باخويا قاله عـLـي اللي حصل رد وقال كنتو تعرفوها قبلها بيومين إنكم عايزينها تروح مع ماما للدكتور ومتكبروش المواضيع وايه يعني جلطة في رجلها ومالكم ومال مراتي وكلام كتير من النوع ده
عشان اللي هيسألو بابا قعيد مبيتحركش
المهم ماما مقهورة عـLـي نفسها واحنا مفيش واحده فينا اتكلمت كلمة لغاية دلوقتي ومش عارفين نعمل ايه
دبرونا