لو شئ ضار عشان تفقد حياتكحت من فضلك محتاج حد يعرض المشكلة ديه
مسألة حياة أو حياته انتهت
مشكلة ومشكلة كبيرة بيعشها واحد قريبي وهو مستني اجابتكم علشان ياخد قرار
قريبي متجوز بنت من 9 سنين …
الست كانت كويسة جدا وجدعة وصايناه ووقفت جنبه كتير ماديا حتى…وهو من ناحيته عايشها في أعلى مستوى ممكن وعاش عبد ليها ولولاده علشان يعيشهم في مستوى كويس….الشجارات الي بينهم كانت قليلة جدا وهايفه زي اي بيت في الدنيا … الحياة كانت عبارة عن حب وعشرة ومودة بين الطرفين ….
لحد هنا كويس….
فجأة خلال الشهر الأخير … الست ديه قلعت الحجات بالعافية غصب عن جوزها الي رافض الفكرة تماماًا… البنت مقضية وقتها كلها برة البيت من غير ما هو يعرف هي فين وجوزها ده تعب نفسيا وجاتله أمراض بتاعت الزعل كلها … جوزها ادالها فرصة في التانية في التالثة بقت تعصي كلامه عيني عينك بالعافية وبتعصي كل أوامره بحجة الحرية وانا حرة
….البنت ديه افترت علي قريبي بكل الأكاذيب الممكنة طلعته ان هو لا يطاق وواخد فلوسها ونكدي وتتكلم عليه بأوسخ الاوصاف مع القريب قبل الغريب….. رغم ان قريبي معيشهم في أفضل مستوى ممكن حد يتنمناه …. قريبي قلها في لحظة غضب انتي طالق على اساس تفوق من الي هي فيه وترجع تاني لحياتها الي اصلا تعتبر حلم لأي بنت تاني — المشكلة بقى ان جوزها اكتشف الخداع، وانها في الفترة ديه كانت بتكلم واحد عش__يقها
وبتقابله وكانت معاه لحظة بلحظة قبل كلمة الطلاقة العابرة، وبعد ايام قليلة من الطلاق الي هو اصلا كانت كلمة عابرة في لحظة غضب …. قريبي اكتشف كمان انه مراته بتخدعه مع الشخص ده خداع كاملة صلة أزواج بعد ايام قليلة من كلمة الطلاق رغم انهم كانوا لسه في بيت واحد.
…قريبي اكتشف خداع مراته مع واحد متجوز وعنده عيال صلة كاملة وكتييير ومتكررة…. والكارثة ان الشخص الخاين ده طلع يعرفها بردة قبل ما قريبي يتجوزها وخانته مع نفس الشخص بطريقة وس* بعد 9 سنين من الجواز……
قريبي لحد دلوقتي مش عايز ياخد رد فعل مش عايز يفضح مراته علشان خاطر العيال وعلشان خاطر مستقبل العيال – وفي نفس الوقت قريبي حزين نفسيا حياته كلها اتدمرت خاصة انه لسه مخدش رد الفعل للخداع ديه…
قريبي واجه مراته الخاينة الي اعترفت بكل حاجة ….. وبتقول انها مش في وعيها وان الي حصل ده كانت صدمة وسحر وانها افترت علي قريبي بأقذر الأوصاف مع الناس كلها علشان معمولها سحر — وندمانه نسائل احمركبير – لكن قريبي اتقهر وحزين اكتر انه مش عارف يتكلم مع حد في الخداع علشان خاطر ولاده وعلشان خاطر الست الي عاشت معاه 9 سنين ….
من فضلكم قريبي محتاج الحل الصح الي ممكن اي حد طبيعي ياخده