انا منهارة ومش عارفة اتصرف ازاي
كنت في مشوار مع خطيبي وعلق علي لبسي وقالي اقفلي الجاكت عشان كنت لابسة تحته حاجة خفيفة شوية وصمم اني اقفله ولما مارضيتش مسك ايدي جامد
وقالي مش هنروح المشوار دا وكان مروحني فعلا *صوته كان عالي حسيت الناس كلها بتتفرج عليا* بس عشان كان مشوار مهم ليا قفلت الجاكت طبعا
وانا مبوزة ومش مدياله وش وحاول كتير يفكني وجابلي اكتر من هديه قيمه بس فضلت قالباله وشي وبعد ماخلصنا المشوار وقربنا علي البيت عشان يروحني بيقولي
مش عايزه تقولي حاجة زعقت فيه واتعصبت عليه راح سايبني وماشي قالي روحي مع نفسك بقي روحت قايلاله غور ف ستين داهية هو اتصدم من ردي وسابني ومشي
فعلا وفضلنا ١٢ يوم مابنتكلمش واول ماكلمته زعق معايا وقالي مش فاضيلك وهزقني وقالي اني ماتربتش
مش عارفه بجد اعمل اية معاه واتصرف ازاي !!
انا بحبه وكمان العيد قرب ومش عاوزة نفضل زعلانين من بعض كدة !!
احنا كنا المفروض هنحدد كتب الكتاب بعد العيد وهو ماكلمش ماما ولا راضي يتكلم معايا