اخواتي واللي عملوه فيا

انا مشكلتي مختلفه من نوعها لاني اللي عرفته صدماء الرجل منها ،انا امي توفاها الله

وانا كنت لسه في خمسه ابتدائي ،وليه

اربع اخوات صبيان وكلهم متجوزين وابويا عايش وقتها بس الاتفاق اني اقعد عند كل اخ اسبوع وبعدين اروح عند الاخ التاني وكده وفضلت كده لغايه ما دخلت

الجامعه وابويا كبر وطلع على المعاش لان قبل كده كان بيشتغل ومكنش ينفع وانا بنت صغيره اعيش معاه عشان مين ياخد باله ماء الرجل ، المهم لما جيت ادخل

الجامعه روحت اعيش مع ابويا وكانوا اجمل اربع سنين وقولت ساعتها ياريتني كنت مع ابويا من الاول لانه كان حنين عليه اوي اكتر من مراتات اخواتي ،هم كويسين بس بردو مش ذي ابويا ، لغايه

ما ابويا توفاه الله بعد تخرجي بسنتين ،واخواتي ساعتها واتجمعوا عشان يشوفوا حيعملوا فيه ايه ،فكانوا عايزني اروح ذي قبل اتنقل اسبوع عند كل اخ

بس انا رفضت قولتلهم لا انا مش حينفع اتنقل انا لان كل واحد عايز يعيش في بيته براحته ،فحكموا ان كل اخ هو اللي يجي يقعد عندي انا اسبوع واهو بردو ده بيت ابوهم ذي ذيهم ،ولما ابويا مـaـت اكتشفت انه وصى بان دهب امي يكون

ليه ،وان الفلوس اللي في البنك حوالي ميه وخمسين الف هي الصراحه المفروض تتقسم عليهم بشرع ربنا بس اللي حصل ان اخ من اخواتي حكم اني انا اخد الفلوس كلها وتعتبر دي شواري لما اجي

اتجوز وبكده هم يخلعوا ايديهم لما اجي اتجوز وبالفعل كلهم رضوا بكده ،ولاقيت شغل وكان بيطلعلي معاش ابويا كان حلو وساترني الصراحه وبزيادة ومشينا على نفس النظام كل اسبوع اخ من اخواتي

يجي هو ومراته وعياله يقعدوا معايا اسبوع وبعدين بدأ يتقدملي ناس للجواز ،بس لاحظت انهم كل عريس يطلعوه في القطط الفطسانه ويرفضوه من غير ما حتى يجي يقعد معايا لغايه ما جه

اتقدملي زميل معايا في الشغل ولاقيت اخواتي حيبدأ في الرفض وساعتها وقفتلهم وبردو معرفش ايه السبب للرفض لغايه ما لاقيت مرات اخويا الكبير

يتببببببببببببببببببع