متجوز ٢

عايزين رايكم ي بنات دلوقتي فيه واحد متجوز اتنين واحدة ف بيت العيله ف بلد والتانية برة البلد وبرة بيت العيله

ال ف بيت العيله ديما بتعمل مشاكل مع الصغير والكبير حتي لو راحت عند اهلها بتعمل مشاكل لدرجه انها جابت الشتيمه ليه ع الرغم أن سنها صغير ومعاها بنوته عارفه انها نقطه ضعف جوزها ف بتعمل ال هي عيزاه عشان واثقه انو مش هيطلق اولا عشان البنت ثانيا عشان قائمة المنقولات

بالنسبة للزوجه التانية الل برة البلد دي كانت خطيبته قبل الأولي لمدة كبيرة وبسبب ظروف مادية سابو بعض وهي حصل عندها ظروف عائلية لمده سنتين بعدها

ف كانو أهل الزوج بيدورو ع عروسه ليه ورفضوا انو يرجع ليها تاني اولا عشان من مدينة ومن برة البلد والمسافه ثانيا عشان هو الل كان مفشكل بسبب الماديات وصغر بأهله وقتها ف الأهل رفضو انو يرجع ليها

ف يشاء القدر بعد م يتجوز ومكنش عارف يعيش بسبب انو كان بيحب خطيبته الأهل يوافقو أن يرجع ليها بس يرجع وهو متجوز وربنا أراد والجوزاة كملت والاهلين مرحبين جدا وحاليا هي حامل السوال هنا بقا دلوقتي الزواج بقالو عشر شهور شغال ف بلد الزوجه التانيه ووقت الإجازة بيروح للزوجه الاولى

الزوجه الأولي عيشة ف بيت العيله والتانية ايجار ومفيش ولا إجازة بيقضيها معاها الأولي ديما مصدرة البنت تعبانه واي حوارات البنت وقعت البنت البنت وحرفيا التانيه كل ال بتاخده ايجار بيتها دلوقتي الأولي عاملة مشاكل ف بيت العيله وأمه وأبوه كبرو وتعبانين دلوقتي

هو بيفكر ينقل العيشة كلها ف بلد الزوجه التانيه يعني عايز يجيب الأولي ف بلد الزوجه التانيه وهو اقترح ع الزوجه التانيه ومستني ردها ممكن تساعدوها