منقوووووووووول. رساله
انا عاوزة احكيلكم حكاية جارتى متجوزة من عشر سنين ومعاها بنتين وكانت ساكنة ايجار ودبرت من شغل جوزها واخدت شقه تمليك جنبى وهى مش بتشتغل
وفضلت توفر لجوزها واخدت شقه تمليك تانية واجرته وبايجاره دخلت جمعيه وجابت لجوزها عربية صغيرة يروح بيها الشغل وكانت بتفضل بناتها وجوزها على نفسها
وبالتالى مكانتش بتهتم باللبس مش معنى النظافه لا الموضه وكانت نظيفه جدا فى بيتها واكلها لايعلى عليه يقوم جوزها يعمل يخطب واحده من وراها ويقولها عاوز اغير
ما البيه مش لاقى يعمل حاجة هى اللى بتفكرله فى كل حاجة المهم قلبت الدنيا عليه اللى كانت ملاك دى اتقلبت بقدرة قادر الى كائن لايمكن التفاهم معها ولما لاقته مصمم
اخدت بناتها ومشيت عند اهلها وخلعته والبيه راح اتجوز ونفذ اللى فى دماغه اه نسيت اقولكم الشقق اللى كانت بتاخدهم طبعا باسم جوزها فعشان كده راحت عند اهلها
والست الجديدة حملت وخلفت ومن يوم ما دخلت عليه والفقر ركبه باع العربية والشقة التانيه عشان يكفى مصاريفها ومصاريف البنات مع ان الاولانيه لما كانت معاه
كانت الفلوس بتجرى فى ايده ده نفسه لما اشوفه مش باعرفه ماشي وسهم الله نازل عليه ده اللى كان بيمشى مهندم فى شكله ولبسه سبحان مغير الاجوال
عاوزة اسالكم سؤال دلوقتى الراجل ده بيسوق طوب الارض على الاولانيه عشان يرجعها وبيقولها مستعد ابوس رجلك ادام الناس هى مش راضيه هل عندها حق ولا غلطانة المشكله ان البنت الكبيرة مش قادرة تقعد من غير باباها
هى فى السنة دى اشتركت فى جيم واشتغلت فى شركه لواحد قريبها وبالاخص لما شاف التغيير اللى بقت فيه اتجنن
رايكم ايه………؟؟.