انا متجوز وعايش في إسكندرية بس انا اصلا من القاهرة وعيلتي كلها هناك كل سنه حد من اخواتي البنات ممكن يجوا عندي اسبوعين هما وعيالهم يصيفوا ويتفسحوا
بس أجوازهم مش بيجوا معاهم المشكلة معايا في مراتي يادوب يقعدوا يومين وبعدين تبدء تزهق وتضايق منهم واول ما تعرف انهم جايين تتحول ويركبها العفريت ومش بتبقى عاوزه تخدمهم
رغم اننا لما بنزل القاهرة عندهم بيعملوا معانا كل الواجب وبيبقوا مبسوطين بينا انما هما لما بيكونوا عندي مراتي عايزه يساعدوا معاها في الاكل ويغسلوا الأطباق معاها
وبتزعل لماا اعاتبها تقولي هات واحد تساعدني في الاسبوعين اللي هما موجودين فيهم وانا مرتبي مع الغلا ده ميستحملش
وهما المفروض جاين بعد العيد وهي لويه بوزها عليا من دلوقتي ومش عارف اعملها ايه ومينفعش طبعا اقولهم خدو شقة بره وبيت اخوهم موجود لو عملت معاهم مشكلة اعمل معاها ايه اشتكي لاهلها من دلوقتي يمكن يعقلوها ولا اتصرف ازي