السلام عليكم
انا ابويا متوفي وسابني انا واختي واحنا صغيرين كنا سنه و٣ سنين وقتها ولدتي كانت عندها ٢٠سنه
رفضت الجواز وقالت هعيش لبناتي بس واشتغلت وكبرتنا واشترتلنا بيت وعلمتنا وجهزتنا من غير ما حد يساعدها بمليم
ودلوقتي اتجوزنا انا واختي وخلفنا وكل واحده في بيتها وعمرنا ما حسينا بفراق ابونا امي كانت معوضانا كانت كل حاجه بالنسبه لينا
امي جات قالتنا أن في حد متقدملها وبتفكر توافق عشان خايفه من الوحده هي عندها ٤٠ سنه حاليا
احنا زعلنا شويه في الاول وبعدين وافقنا قولنا من حقها تفرح هي ما شفتش يوم حلو واتجوزت بالفعل
وبعد كدا اتقلبت علينا ١٨٠ درجه مبقتش عوزانا نروح عندها يوم واحد في الاسبوع حته ولا بقت بتكلمنا وقطعت بينا خالص وعرفنا أن الراجل اللي هي متجوزاه مقومها علينا وبيقول كلام ليها علينا محصلش هو قاعد معاها في بيتنا
وامي عشان متزعلوش مش مخليانا نروح هناك وكلمت اختي وقالتها كلام زعلها اختي من حرقتها وزعلها قالتلها انتي موتي بالنسبالي لاقيت ولدتي مكلماني
وقالتلي اختك قالتلي كذا انتوا متفقين عليا وانتوا كمان متوا بالنسبه ليا وانا من ساعتها مش مبطله عياط انا ذنبي ايه انا مش مع اختي في اللي قالته نهائي وزعلانه منها
قولولي اتصرف ازاي مع ولدتي هي كانت كل حاجه بالنسبالي ابويا وامي واهلي بس من ساعة ما اتجوزت وهي اتغيرت اوي مش عارفه اعمل ايه مكلمهاش واسيبها تهدي ولا اعمل ايه