اصبح سليمان في قلق وتوتر شديد بعد ان اعطته ابنته الخاتم فعرف حينها انه قد افتضح امره واكتشفت ابنته السر الذي ظل يخفيه طوال الثلاث سنوات الماضية بل وبدأت تهدده بهذا السر وتبتذه لتحصل علي ما تريد من اموال ولابد من انهاء هذا الامر بأي طريقة فمن الممكن ان يقع تحت طائلة القانون في اي وقت اذا تحدثت ابنته بالحقيقة وخاصة وهي الان تقيم مع رجل اخر تقول انه يعاملها برفق ولين وسخاء وانه حل محله ليكون ابا لها مكانه فمن الممكن ويعتقد سليمان ان هذا الرجل هو نفسه والد الفتاه التي قتلت اثناء الهجوم علي الڤيلا ومن الواضح جدا انه حكي لها ما حدث لأبنته وبعثورها علي الخاتم تيقنت اشرقت ان الفاعل هو ابيها لأن الخاتم سقط منه اثناء الهجوم والاعتداء علي الفتاه ومن الممكن ان تخبر اشرقت هذا الرجل بأن ابيها هو القاتل انتقاما منه بسبب المعاملة السيئة وخاصة بعد خروجها من السجن وهو الان يتصل بأحد الاشخاص الذين كانوا معه ساعة الهجوم علي الفيلا ..
سليمان .. الو .. ازيك يا زاهر؟
زاهر ..زي الفل يا صحبي .. اخبارك ؟!
سليمان .. اخباري مش ولا بد
زاهر .. خير في ايه ؟!!
سليمان .. فاكر الخاتم اللي وقع مني لما هجمنا علي الفيلا بتاعة انور ؟
زاهر .. وانت ايه اللي فكرك بالموضوع دا دلوقتي ؟!
سليمان .. اللي فاكرني الخاتم لأنه رجعلي دلوقتي ؟!!
زاهر .. رجعلك !! رجعلك ازاي ؟!
سليمان .. اشرقت بنتي جايباهولي وبتلقح بالكلام وتقلي ليك عندي امانه .. شوف وقعت فين وليه واعتبرني ستر وغطا
زاهر .. وايه اللي وصل الخاتم لإيديها !! انت مش وقع منك في قلب الفيلا ؟!!
سليمان .. البنت شكلها اتلمت ع الراجل ابو المرحومة وكلت بعقلة حلاوة عشان ملبسها ومشيكها وجايبلاها عربية كمان وقال بتقلي معتبرني زي بنته !! بقي انور الهلاث هيعتبر اشرقت بتاعة الدعارة خريجة السجون بنته !!
زاهر .. اه يا بنت اللذين عرفت تلف ع الراجل وتسحب فلوسة
سليمان .. لا وكل ده ومش مكفيها وعايزة مني ٢ مليون جنيه!!
زاهر .. بتوع ايه دول؟!
سليمان .. قال تعويض عن مستقبلها اللي راح!!
؟!!
زاهر .. خلاص ادفعلها
سليمان .. انت اتخبطت في نافوخك !! انا ادفع للمعفنه دي ٢ مليون جنية؟!!
زاهر .. ما هو انت لازم تدفعلها عشان تضمن سكاتها بدال ما تتكلم وتوديك في داهية
سليمان .. توديني!! قصدك تودينا كلنا انت ناسي انك وعطية كنتوا معايا في الحادثة دي
زاهر .. مش ناسي يا سيدي فاكر وكانت غلطة اهو كله بسبب عطية قعد يقلك ايصالات الامانة اللي واخدها عليا انور في خزنة ڤيلته ساعدوني اجيبها ورحنا وطلع لا في ايصالات ولا بحزنون وارتكبنا جريمة قتل بالكدب
سليمان .. وبعدين انت مين قالك اني لو عطتها ٢ مليون جنيه هينتهي الموضوع وهتسكت وهتسيبني في حالي !! بالعكس هتفضل كل شوية تبتذني علي حس الموضوع ده وانا هدفع ورجلي فوق رقبتي بدال ما انكشف واروح في داهية واخسر كل اللي انا وصلتله دلوقتي وانا معنديش استعداد اخسر اللي انا فيه دلوقتي
زاهر .. طب والعمل ؟!!
سليمان .. نخلص منها
زاهر .. عايز تخلص من بنتك يا سليمان ؟!! انت اتغيرت اوي !!
سليمان .. واخلص من اي حد يفكر يهد المجد اللي انا فيه ..
زاهر .. بس انا مليش في سكة القتل دي والمرة اللي فاتت كانت غلطة وانت عارف
سليمان .. كررها تاني عشان مصلحتك ومتنساش اني لو وقعت هتقع معايا انت وعطية وهتخسروا انتوا كمان العز والجاه اللي انتوا فيه
زاهر .. طب عاوزينا نعمل ايه بالظبط
سليمان .. اشوف وهكلمك تاني بس ادي فكرة ل عطية عشان يستعد .سلام.
ويعتزم سليمان واصدقائة قتل اشرقت للتخلص منها حتي لا تصبح مصدر تهديد مستمر لهم فاتفقا علي ان يقابلها ابيها في مكان مهجور بحجة اعطائها المبلغ الذي طلبته ثم يقتلوها دون ان يشعر بهم احد واتصل سليمان ليقابل اشرقت في مكان مهجور وتذهب اشرقت لمقابلته
اشرقت متعجبه .. ايه المكان اللي انت جايبني فيه ده ؟!! مكنش ينفع نتقابل في المكتب عندك ؟!
سليمان .. لا مينفعش انا قلتلك ان موقفي حساس ومش عايز حد يعرف انك بنتي .. كفاية المرة اللي جيتيلي فيها ومن ساعتها والكل عاوز يعرف مين انتي !!
اشرقت .. للدرجه دي مستعر مني .. مع انك انت السبب في حالي ده !
سليمان .. وضعي دلوقتي ميسمحش ان يكون في حياتي نقطه سودا زيك تبقي عاملالي قلق ليل ونهار وممكن تهد في لحظة كل انا عملته ووصلتله
اشرقت .. قتلت علا ليه يا سليمان ؟!!
سليمان .. قتلتها عشان شافت وشي لما هجمت علي فيلا الراجل اللي انتي معتبراه دلوقتي ابوكي ساعتها صرخت بصوت عال فقتلتها عشان متفضحنيش
اشرقت .. للدرجة دي مبقاش عندك قلب ولا رحمة !!
سليمان .. انا ادمر اي مخلوق ممكن احس بخطر من ناحيته .. وانتي دلوقتي بقيتي مصدر قلق بالنسبة لي ولازم اخلص منك
وفجأة يظهر عطية وزاهر ويمسكوا اشراقت من ذراعيها ليقيدوا حركتها
اشرقت .. انن هتعمل ايه ؟!! ومين دول ؟!!
سليمان .. دول اللي كانوا معايا ساعة ما نطينا علي الفيلا بتاعة انور وقتلنا بنته سوا كل واحد فينا طعنها طعنه عشان نبقي كلنا مشتركين في الجريمة وادينا اتجمعنا تاني عشان نعيد الكرّة تاني معاكي
اشرقت .. اه يا وحوش يا مجرمين .. سيب ايدي انت وهو .. عاوز تقتل بنتك يا سليمان !! مش كفاية قتلتني مرة قبل كدا بظلمك وانانيتك وحبك للمال .. عاوز تقتلني مرة تانية!!
سليمان ..وهتبقي اخر مرة تزعجيني فيها .. سلام يا اشرقت
واثناء قيامه بتوجيه المسدس ناحية اشرقت يهجم البوليس ويقول الضابط
الضابط .. ارمي السلاح اللي في ايدك يا سليمان وسلم نفسك
سليمان .. اه يا بنت الكلب عاملالي كمين
اشرقت .. زي ما انت كنت عاملي كمين برضوا عشان تقتلني .. العين بالعين والسن بالسن والبادي اظلم .. وانت كنت البادي يا سليمان .
ويتم القبض علي سليمان واصدقائة وتقديمهم للمحاكمة بتهمة القتل العمد مع سبق الاصرار والترصد .. اما اشرقت ففرح انور من فعلها وانها قد انتقمت له من ابيها واصدقائة اللذين قتلوا ابنته ظلما وحكت له كل شئ عن ماضيها وبرغم ذلك لم بتخلي عنها تمسك بها اكثر واعتبرها محل ابنته التي فقدها غدرا ووهبها ماله وثروته وبدأت اشرقت من جديد