بنات الحقوني 😂قولولي اعمل ايه انا أفقر حاجه عندي الضحك بجد مش بستر حقيقي انا انسانه مهزئه😂😂
المهم حصل موقف بين حماتي وحمايا قامو اتخانقو وجابوني علشان يشهدوني مين الغلطان ملقونيش غير انا م علينا المهم حمايا اخر مازعق وبهدل الدنيا
ف حماتي قالتلي اشهدي وبتبص عليا لقيتني واقعه ع الكنبه وميته من الضحك اقسم بالله غصب عني حتي كان ف حاله وفاه حد قريبنا وكده مرضيتش تاخدني قالتلي انتي تفضحيني خليكي عندك احسن
جوزي بيخاف اطلع معاه 😂
طيب اقسم بالله يبقي يكلمني ف موضوع مهم وافتكر اي حاجه وأقوم اضحك طيب طب قولولي اعمل ايه يابوي من الجرس والفضايح دي
استنو هحكيلكم مره كنا ف رمضان وقاعدين انا وحماتي وحمايا وسلفتي وبنتسحر المهم محدش متكلم خالص ف بياكلو بطيخ 😂😂مفيش غير صوت البطيخ
ومقدرتش امسك نفسي وهاتك يضحك وهما نفسهم ماتو من الضحك وف كتير والله زعل مني بس والله غصب عني أنا عارفه دي قلة زوق وخصوصا لما اكون زعلانه افضل اضحك كتير
لا وكمان جوزي يكون متخانقين اول ميدخل يلاقيني بضحك يروح يشوف نفسه طب انا عايزه قلبي يجمد كده وأبطل الضحك وقلة الادب دي 😂
ومع العلم بزعل كتير والله بس برضو بضحك وخصوصا ف المواقف اللي مينفعش حد يضحك فيها
بجد قولولي اعمل ايه ازاي امسك نفسي طب اروح لدكتور 😂