جوزي حاساه بقي قليل الحيله من قله الفلوس يعني مره قولتله انزل القاهره او يروح العاصمه يشتغل
حرفيا مفيش الف جنيه نقدر نحوشها بعد مصاريفنا يقدر ان ياخد معاه ف الطريق مبلغ لحد مايشتغل او يسيلنا مبلغ منه الدنيا ضيقه خالص والله كان بيشرب سجاير وخف منها من فتره علشان هيبطلها باذن الله
من يومين اتخناقنا مع بعض وشتمني بلفظ مش بحبه وعارف ان دا هيدايقني بس عملها وانا مسكتش واتفتحت فيه قولتلو العيال مش العيال لا كسوه عيد ولا صيف ولا شتا العيال حرفيا لابسه شحاته وانا الي ساتر عليا هدومي من بيت ابويا واني ع قدر م الجمال واني متعلمه وواخده شهاده مفحدش بيبصلي نظره وحشه
بس الفتره الي فاتت كلنا بقينا خاسين هو وانا والعيال وكله بيقول ليه ومن ايه
تعبت ودورت ع شغل مع ان لو نزلت اشتغل هيبقي بعيالي الاتنين لان مفيش حد اسيب معاه عيالي انا بابا وماما متوفيين واخواتي بعيد عني وحماتي ست كبيره وتعبانه يعني تعب من الناحيتين
هو سؤال حد مر بظروف زي كد وربنا جبره ?
نفسي الفاكهه تبقي عندي دايما علشان العيال تاكل
نفسي مااشم ريحه تقليه ولا طبيخ م الجيران حوالينا مزعلش احنا ف صعيد عارفين يعني ايه دايما اكل وخير ف البيوت
بخاف حد يجيلي فجأه معرفش اقدمله ايه بقيت بعيد عن المناسبات والاخطلاط علشان متكسفش
دانا لما بعمل صنيه بسبوسه ببقي خايفه عليها تخلص من كتر مانا بحبها وعارفه اني مش هعملها ع طول
اسفه طولت عليكم ادعولي ادعولي كتير