السلام عليكم ورحمة الله وبركاته
انا مراتي ضر بىت امي علشان كان حصل مشكلة بيني وبنها واهلي مراتي جولي البيت علشان يصلحوا بنا فامي طردتهم بعد ما شدوا قصاد بعض واختي كمان كانت موجوده
ومسكوا في اهل مراتي وضر بىوهم وكانوا عاوزين يعملوا محاضر وبعد ما مشيوا رجعت مراتي وامي شدوا تاني مع بعض بس مراتي مسكت امي ضر بىتها طبعا انا ضر بىت مراتي كام قلم علشان اراضي امي
ومراتي سابت البيت ومشيت بعد ما قالتلي انت شخص ضعيف وبدل ما تجبلي حقي وحق اهلي اللي اتطردوا وتبهدلوا تضربني وبتقولي خلاص انا اخدت حقي بايدي ولما تبقى راجل وتقدر تحميني ابقى تعالى رجعني من بيت اهلي
وانا عاوز ارجعها قبل العيد بس هي مش موافقه تعتذر لامي علشان نخلص الموضوع ولا حتى تكلمها في التليفون ومش عارف اقول لامي ايه لو رجعت من غير ما تعتذرلها
مع اني نسايبي معندهمش مانع انها ترجع بس مراتي مش عاوزه تخلص وامي طبعا زعلانه ولما افتح معاها الكلام تقولي ديه تطلق وولو دخلتها هنا تاني هق_تلها
محتاج منكم نصيحه علشان اعرف ارجعها قبل العيد هي واولادي ونعيد مع بعض