امى وابويا مغلطنى فى اللى عملته انا متجوزه ومعايا عيلين المهم اخو جوزى واخويا صحاب اوى من زمان حصل ما بينهم خلاف كبير بعدها بيومين بنت اخو جوزي اختفت راح اخو جوزى عمل محضر فى اخويا وقال إن هو خطف بنته و اخويا اتاخد واتبهدل وهو حلف مايعرفش شى محدش صدقه انا كلمت اخو جوزى أدام حماتى وقالت له والله اخويا مظلوم قال لى لو طلع مظلومه ابقى تعالى تئفى فى وشى وقولى لى يا
مرة قلت له ماشى طلع جوزي بعدها وقالى روحى بيت اهلك وملكيش رجعه قعدة اعيط حلف بطلافق ما ابات فيها وان هو متأكد ان اخويا اللى عملها ولو مطلعش اخويا ابقى اجيب زفه بلدى واجى عند بيت حماتى وقول يا بيت مفهوش رحالة مشيت واتمرمطنا وفى
الاخر طلع ان سلفتى كانت عاوزه تقلب جوزها فى قرشين واتفقت هيا واخوها وخطفو البت والحكومه جابتهم متلبسين والحمد لله اخويا خرج منهآ خدت الزفه البلدى من اول المركز لغاية بيت حماتى ونديت على جوزى وأخوه وقولت يا بيت مفهوش رجحاله يا بيت كله حواجات وعرفت اهل البلد ببراءة اخويا
غلطت فى ايه انا دلوقتي-