بعدها بقعة نور ظهرت من بعيد وبدأت تقرب شويه بشويه
وبعدها اكتشفت أن دا كشاف ماسكه حد وبيفحص عنيا وببقول لواحد جنبه
ها اخباره ايه النهارده ؟
لسه حالة الهلاوس عنده زايده
والنهارده كان عصبي جدا اضطرينا نربطه
خوفا من أنه يأذي نفسه
ادولوا حقته مهدئة و يوضع تحت الملاحظة لمدة 48 ساعه
وبعدها هرجع اشوفه
بعد دقائق دخلت ممرضه ومعاها حقنه في ايديها
برقت لما شوفتها ..الممرضة كانت مراتي
انا مش مصدق
هالة !! انتي لسه عايشه؟
أهدى لو سمحت
أهدى ازاي ..انا فين وايه اللي بيحصل دا يا هالة
اولا انا ميس داليا مش هالة
ثانيا انت في مستشفى بقالك كم يوم
ايه الي حصل وفين مراتي
يؤسفني اقولك انك مش متجوز اصلا
وان حالتك النفسيه سببها انك ق*تلت
هالة حبيبتك لأنها رفضت تتجوزك
واتجوزت حد تاني ..وعشان كدا عقلك مستوعبش
اللي حصل وبقيت تشوفها في كل وقت
ورافض تقتنع أنك السبب في اللي حصلها
ونسجت قصه من خيالك انكم اتجوزتوا وانها ما تت في حادثه عشان تريح نفسك من عذا ب الضمير .