انا جوزى غدر بيا بعد عشره وحب اكتر من ٢٥ سنه وقفت معاه طول حياتنا لحد ما بقا معاه فلوس واول ما ربنا كرمه غدر بيا واتجوز عليا
وطبعا رضيت وسكت وعشت معايا ابنى الوحيد لانه ملوش حد غيرى مهنش عليا اتطلق واسيبه لوحده المهم فضلت فتره مكنتش بكلمه بعد ما اتجوز وبعدين الناس قالولى
كلميه عشان ابنك شاب لسه مبتدأ ويقف معاه
المهم صالحته وبقا ييجى عندى واتحملت عادى بس انا من جوايا مش مرتاحه ولا مسامحاه لانى مستهلش منه كدا لكن انا دلوقتى بعد ما رجعتله ندمانه وحزينه لانه ميستهلش اى حاجه حلوة واللى تاعبنى انه مبقاش شايف حد غير التانيه ونسى اولاده خالص وبقت هي اللى كل حاجه مع انها ولا شكل ولا منظر بشهاده الناس وهو مش بيعدل خالص والمصاريف والفسح وكل حاجه حلوه ليها هي
وانا واولاده اللى يفضل منها وكل ده والله انا اللى بعمله الاكل الحلو واغسله هدومه ولو حابب يعزم حد مثلا يجيبه عندى انا عشان هي ملهاش ف اى حاجه خالص
انا اتحملت معاه كتير اوى و اول ما تجوزنا مكنش معاه حاجه ولا بيشتغل واتحملت معاه لحد ما ربنا كرمه واول ما ربنا اداله غدر بيا بعد العمر ده
والمشكله ان كل الناس بيقولوا عليه ناقص وعديم الاصل وجاب واحده لا شكل ولا منظر وانا ولا ف دماغه ولا اولاده انا دلوقتي تعبت ومش قادره اتحمل معاملته وبروده وظلمه ليا ولأولاده وكل اللى بيضيعه عليها اقسم بالله حقى انا وعيالى
الجزء الاخير من المشكله هنااااااااا