ازيكم عاملين ايه
انا متجوزه ولكن انا زوجه تانيه
والاولى مطلقه منه
انا عندى ٢٥ سنه متعلمه وعلى خلق بشهاده الكل
الاولى اتطلقت عشان قفشها مع صاحبه وشباب تانيه كتير
ومكنتش بتخلف وهو كان معاها ١٠ سنين
مطلقتش بسبب الخلفه عشان عمل معاها المستحيل ف حوار الخلفه وكان رافض انه حتى يتجوز عليها
احنا متجوزين بقالنا ٣ سنين
لكن لما خلفنا الحال وقف معاه والدنيا بقت ع قدها وانا مستحمله ظروفه
ممكن يدور ع نوع حفاضات ارخص لابنه
ميفكرش يجيب كسوه مثلا ع العيد
انا مثلا مش بيجيب ليا حاجه لا هدوم او اى حاجه غير الاكل والشرب وبس
وبتحصل مشاكل عادى زى اى اتنين متجوزين
بس كل شويه سلفتى تقولى الاولى كان مدلعها واللى كانت تشاور عليه يكون عندها
وانتى بيتعلم فيكى
وانا فعلا سمعت كدا م برا وهو قبل الجواز قال لاهلى انه عمل معاها كل كويس عشان م يجرحهاش انها مش بتخلف
كل شويه تقولى انا كنت فاكر لما هيخلف هيجيب النجوم لابنه
كل الكلام دا مأثر فيا
وبقيت حاسه انه بيتعلم فيا صح زى ما بتقول
او بيفضل الاولى عليا وعلى ابنى وبيفكر فيها مثلا
مع انه مش بيجيب سيرتها نهائى
هل دا عادى عشان الظروف
ولا سلفتى هى بتفتن بينا