السلام عليكم استاذ ناصر لو سمحت عندي مشكلة نزلها بس بدون اسم الاكونت من فضلك
انا ارمله زوجي توفي من رمضان اللي فات شهر ٤ وعندي ٣٦ سنه عندي ولدين واحد في سادسه ابتدائي والثاني في سنه رابعه واتعرفت على واحد عنده ٥٢ سنه وبنحب ب وموافق بعيالي وقالي هساعدك في تربيتهم لانه منفصل عن زوجته بس مش مطلقه علشان عياله واموره الماديه كويسه جدا ماشاء الله واخلاقه عاليه وشغله ممتاز وفعلا اتقلي وقعد مع ماما وعمي
ومديني اختيارين ياجر شقه قانون جديد او يقعد معايا في شقتي وهيكتب قايمه ويديني مهر انا محتاره في النقطه ديه
بس المشكلة مش في كده المشكلة ان ابني الكبير من يوم ما عرف وهو بيعيط كل شوية ويقولي بلاش تتجوزي يا ماما ويجري على اخوه الصغير يقوله قولها جوزش ويقولي انا مش بحب عمو ده انا بحب بابا بس ويجري ي الصوره بتاعت باباه ويفتح الموبايل بتاع باباه ويقعد يتفرج على صورهم مع ب ونفسيته ه ويقولي لو اتي مش هنقعد معاكم وهنخاصم جدو وتيتا يقصد عمي وماما وهنروح نقعد عند عمي ومش هنيجي هنا تاني
وانا عاوزه اتجوز قبل ما العمر ني والرجل فرصه ممتازه وبنحب ب وطبعا لو كملت ٤٠ سنه محدش هيتقلي تاني زي الرجل اللي متقلي ده وانا مش عارفه اعمل ايه بصراحه هل هو في السن ده يكون مدرك فعلا للكلام اللي بيقوله ولا مجرد كلام اطفال وزي ما يكون شابط في لعبه ومش عاوز حد ياخدها منه و ديه انانيه منه ارجو النصح منكم تقولولي اتصرف ازاي وايه الصح بالظبط وكمان عاوزه رايكم في موضوع الشقه اعمل في ايه يعني ايه الأحسن