جوزي بيجهز ورق السفر علشان اسفرلو حماتي مش موافقه خالص انو يخودني هناك انا متجوزه من 6 سنين ونص قعد معايه شهرين بس حملت في بنتي وسافر بنتي هتم 6 سنين أها ولسه مشفتش ابوها غير في الكاميرا قالي هجهز الورق وخدكم معايه حماتي رافضه خالص قولتلها ليه يا ماما حرام كده انا جوزي وحشني اعتبريني بنتك هترضلها كده اللي متجوزين معايه عندهم تلات اطفال وانا نفسي اجيب طفل كمان وانا لسه في العشرينات ترد تقولي حد الله انتي عاوزه تخدي الراجل مني ياختي قلتلها امال بتجوزيه ليه علشان تظلمي بنات الناس معاكي فضلت تزعق بصوت عالي وصوتت ولمت الناس وتقول
عاوزه تسافرلو ايطاليا وتخدو مني وتخليه ينسانا.. انا زوهلت من المنظر وطريقتها???? لقيت نفسي بعيط وبقول حسبي الله ونعم الوكيل يعني ابنك دلوقتي جمبك ماهو كده كده بعيد انتي اخر اليوم جوزك جمبك وسلايفي بيطلعو كل واحده في ايد جوزها وانا لوحدي وبنتي محرومه من حضن ابوها حرام وسبتها وطلعت كلمت جوزي وحكتلو قالي طب اصتبري بقا دلوقتي بقولو يعني ايه قالي يعني مفيش سفر قالي مش هينفع????
قولولي اعمل ايه انا قررت اروح بيت اهلي واطلب الطلاق عشان انا دمي محروق ومحدش حاسس بيا بقالي 6سنين متجوزه مقعدش معايه غير شهرين بس ده كان خلاص قالي روحي اعملي الجواز ورحت طلعته وكنت مبسوطه كأني لسه عروسه كسروني وكرهوني في الدنيا????