فلاش باك
من سنتين ..
كان أسر بيكتب قبل مايدخل الجامعة
(حاسابات ومعلومات)
وحياة كاتبة روائية
(وحاليا ف اعدادي هندسة) ..
اتعرفوا علي بعض من خلال الواتساب
افتكر اول مرة اتكلموا فيها
كان أسر منزل استوري اللي حابب يسمع القصيدة الجديدة ريب كأي شاعر
ودي كانت أول مرة يكلمها لما بعتلها القصيدة
وحياة بالفعل عجبها كتاباته
*جميلة اوي بجد، حقيقي انت مبدع
“تسلمي يقمر”
افتكر أسر لما شاف صورة ليها واُعجب بيها وب ملامحها وب عيونها
كانت ومازالت جميلة
عملها ريبلاي ب قلب أورانج ع صورتها
( اكتر لون بيحبه)
افتكر برضو ردها السخيف عليه وافتكر لما قالها أن عُمر مابنت عملت معاه كدا أو ردت عليه كدا أو قالتله لا علي حاجة .
ويمكن ده اللي خلاه يقرب منها
اصل ازاي بنت تصده .!
قربوا وفضلوا يتكلموا عن كل حاجه
افتكر أنه فتح قلبه ليها برغم انهم مش قريبين اوي
كانت بريئة وجميلة اوي
دوا، بلسم يتحط ع الجرح يطيب
افتكر محاولاتها أنها تخليه كويس
لما كانت تخترع اي حاجة عشان تشوفه مبسوط
افتكر اول مرة كلمته كول لما أتأخر شوية ف الرد عليها …..
حياة بقلق وتوتر :الو .؟
أسر : ايوا يقمر
حياة : أنا يعني قلقت عليك عشان مش بترد وكدا وبقالك شوية قافل فكنت بطمن عليك
اسر بابتسامة : أنا مع صحابي اطمني أنا كويس هخلص معاهم واكلمك علطول
حياة: خد بالك من نفسك
لتاني مرة يبتسم : حاضر
وقفل بس حب صوتها اللطيف
اه هو سمعه قبل كدا لما زن عليها عشان تبعتله إلقاء ليها …
أسر: ده صوتك .!!!
حياة .: وحش .!
أسر: خالص خالص بجد
حياة : آمال .
أسر: بس مش لايق علي شكلك
يعني الاتنين عكس بعض تماما
حياة ب استغراب: مش فاهمه
اسر : يعني اللي يشوف شكلك يقول صوتك مايع بمعني اصح مسرسع كدا بس طلع عكس كدا خالص
حياة : يعني دي حاجة حلوة ولا وحشة
أسر: حلوة بالنسبالي لأني مش بحب الصوت المسرسع
صوتك نبرته جامدة
( اللي هي زي خشنة كدا 😂) وف نفس الوقت فيه رنة فيه أنوثية اوي بحبها
حبيتها وهحب اسمعك وانتي بتغني علفكرا
ابتسمت حياة وابتسم أسر ……
وافتكر تاني كول ليهم
لما كلمته عشان مخنوق ومضايق
حياة : أنا مش فاهمه ازاي تتضايق وانا ف حياتك
ابتسم أسر : صح ازاي فعلا
فيه حد يبقا ف حياته حد.عنده الشفايف القمر دي ويضايق
حياة : انت قليل الادب علفكرا
أسر: جدا علفكرا
حياة : عيب كدا راعي انك مرتبط
أسر: مرتبط بس ميمنعش اُعحب ب الشفايف القمر دول والعيون دي
حياة : مهي اكيد عندها عيون وشفايف يعني اي ده
اسر: بس مش زيك، انتي غير
حياة : ماعلينا لسه زعلان منها ..
أسر: اكيد ومش عارف اتصافي من ناحيتها
ردها المتأخر وطريقتها وجعوني
حياة : بس بتحبك حافظ عليها
اسر : مش عارف
وفضلوا يرغوا ساعة ف التانية ف التالتة ومش حاسين ب الوقت ………
افتكر أسر برضو لما كان بيحكي ليها علي حبيبته وقد اي هي جميلة …..
وأنه بيظلمها معاه ومش عاوزها تفتكر أنه مش بيحبها وتضيع منه .
كان عاوز كل حاجه………
افتكر أسر لما شاف حُبه ع حياة
لما حس انها بتحبه واتعلقت بيه
افتكر اول كول بدأ يجرح ويكسر فيها
لما قالها أنه بيحبها بس مش حب أصحاب
لما ردت قالتله مينفعش
وقالها مش عارف ابعد عنك
حياة : حرام اظلمها معايا
اسر : حياة أنا حبيتك وحبيت وجودك
حياة بضعف:أنا كمان بحبك ………………
وبدأ حزن ووجع حياة يتضاعف من وقت ماسلمت لمشاعرها وقلبها واعترفت بحبها ل أسر
وافتكر برضو اسر أنه مقدرش حبها ليه ودايما كان بيوجعها وافتكر برضو أنه كان دايما سايبها بس وقت مايحتاجها كان يلاقيها سند وقوة ليه
برغم وجعها ليه كانت دايما تسمعه وافتكر كام مرة اتخلي عنها وهي ولا مرة اتخلت عنه .
فاق أسر من سرحانه ع صوت الباب
كان حمزة
دخل وقعد معاه
حمزة : عاوز اتكلم معاك ي اسر
اسر : سامعك .
عند حياة
طول اليومين اللي فاتو بتحاول تكلم أسر بس مش بيرد كالعادة
قامت تشوف دراستها وحياتها الطبيعية
الالم صعب ع حياة وبيشد عليها دايما
حياة تعبت وانا تعبتلها بجد 🙂😂
البارت الثاني عشر و الثالث عشرمن هنااااااااااااااااااا