اقبلي ياادمن بعد اذنك
انا بجد تعبت ومبقتش عارفه اعمل ايه
انا جوزي كان مسافر السعوديه فعد 3 سنين مش بينزل اجازه حتي ولا راضي يبعتلنا ويقولي ظروفي وحشه مش هقدر انزل اجازه ولا ابعتلكو المهم صبرت 3 سنين وانا عايشه لوحدي بربي ابني صغير ولمه نزل لقيته جاي يقولي انه بيحب وحده وعايز يتجوزها ولمه
رفضت قالي تسيبي الشقه واجرلك شقه بره عشان انا مش هعيش المطلقه في ملك والي متجوزها في ايجار انا رفضت اخرج من الشقه ورحت عملت تمكين لمه كسبت القضيه قالي اشبعي بيها بس ابني لمه يتم 15 سنه هطردكو منها وبقاله سنه عايش عند اهله ومبيجيش
ولا ابني بيشوفه ولمه لقيته متجوزش وقاعد عند اهله قولت اجي علي نفسي واكلمه عشان خاطر ابني يعيش ف وسط ابوه وامه ومخربش علي نفسي كلمته قولتله ارجع وخليت ابني كلمه قاله عايز اشوفه جه قعد يوم وصحي الصبح قال هجيب هدومي واجي ومجاش وعملي
بلوك انا بعدها مسألتش وقعدت كام شهر لحد مهو اتكلم وقال انا هرجع انا اسف انا مليش غيركو وانا وانا المهم قبلت ورجع وبرضه قعد يوم وقام الصبح راح شغله واتصل قال هخلص شغل واروح اجيب هدومي واجي المهم لحد الفجر مستنياه مجاش اتصل انتظار ولمه
خلص قفل تليفونه ومجاش برضه تاني يوم اتصلت عليه وز/عقت معاه وقولتله ليه تعشم العيل ومتجيش حر/ام عليك العيل فضل قاعد مستنيك وفعلا ابني فضل يعي/ط ويقولي هو بيعمل فيا ليه كدا انا عايزه يعيش معايا انا عايز حد اقوله يابابا ابني عنده 5 سنين والله كان بيقول كلام متوقعتش انه يطلع من طفل ف سنه ويقولي انا قلبي واجعني ياماما انا عايزه يعيش معايا
يتبببببببببببببببببع