السلام عليكم..
أنا حصل بيني وبين خطيبتي كذا موقف كده والموضوع كبر شوية فأنا عاوز أعرف هل أنا غلطان في المواقف ده ولا هيا مكبرة الدنيا وأنا هحكي بما يرضي الله ورسوله ..
كنا بنحكي سوا عن تجهيزات الفرح وكده فبتقولي أنا ناوية اشتري فستان الفرح فقلتلها بالعقل ملوش لازمة نأجره وأنا بصراحة حاطط رينج للفستان عشان مصاريف الجواز كتيرة ..
المهم بتقولي كام الرينج ده قلتلها ٧٠٠٠ جنيه والله جبتيه ايجار او شراء براحتك بس في حدود الرقم ده ردت عليا وقالت أنا بجيب اللي يعجبني مش ببص علي السعر كام قلتلها لا المفروض تشوفي حدود جوزك كام وتشتري في حدودها فلقيتها بتقولي للعلم انت عليك الفستان وكوافير الفرح والميكب والبروتين دول واجب عليك .. المهم قلتلها البروتين بصراحة ده مش عليا المهم فقالت ده علي كده ربنا يخليلي بابا والله قلتلها ربنا يخليهولك ..
المهم بعدها لقيتها حكت لماماتها وباباها ولقيت ماماتها بتكلمني بتقولي فستان ايه اللي تحدده ب٧٠٠٠ الاف ده انا جايبة للبنت لبس ب ٦٠ الف جنيه مش مستنين منك فستان.. بعدها كلمتها واتصالحنا والدنيا تمام..
تاتي يوم والدتها كلمت أمي وقالتلها النهاردة عازمنكم علي الغدا فأمي وافقت وقالت ماشي بعد العصر إن شاء الله عقبال لما لبسنا واخواتي البنات لبسوا واتاخروا شوية والطريق كان زحمة روحنا عندهم متأخرين ساعة تقريبا .. المهم اول ما دخلنا البيت لقيت مامتها بتقول ايه المواعيد المضروبة دي وحسيت خطيبتي زعلانة المهم اتغدينا وبعدها اخدت خطيبتي واخوها واخواتي ننزل نغير جو فبقول بحسن نية نروح فين اللي عنده مكان يقوله وأنا عليا التوصيل بس المهم روحنا مول مع بعض
وانا بتمشى معاها بكلمها ردودها ناشفة وبترد الكلمة بالكلمة بالعافية بسألها مالك مالك مين مزعلك مفيش مفيش قعدت طول الخروجة احاول أعرف مالها واخوها التاني كان مضايق المهم بقلهم طيب تحبوا نروح فين تاني لقيت اخوها قال نروح البيت .. بصراحة انا اتضايقت منه قلتله نروح يا باشا المهم وصلتهم البيت وسلمت عليها من جوا العربية منزلتش أسلم عليها يدا بيد .. المهم بعد ما روحت بساعة لقيتها رنت عليا ومضايقة أوي وانت ايه اللي عملته وانت أهنتني قدام اخواتك ومش هنسالك اللي عملته فبقلها انتي كنت مضايقة ليه قالتلي بسببكم لما اتاخرتم
يتببببببببببببببببع