السلام عليكم .. انا مشكلتي كبيره اوي انا بحب واحد معايا فالكليه من زمان هو مستواه الاجتماعي و المادي اعلي مني
بكتير بس بيحبني و شاريني انا والدي موظف عادي و والدتي ست بيت ف بعد م اتخرجنا زميلي ده طلب مني انه عاوز
يقابل بابا مع انه اشتغل شغلانه كويسه ف بنك و أهله ناس أكابر خالص بس وافقت و قلتله خلاص تعالي جاب والده و والدته عندنا ف البيت و جه و سبحان الله حصل قبول برغم
فرق المسافات اللي بينا و سألونا علي باقي عيلتنا ف انا عائلتي كلها موظفين ماعدا عمي الكبير شغال علي شوايه كفته ف مطعم كدا شعبي بس هو والله راجل محترم بس محبيناش
نجيب السيره عشان الجوازه متبوظش .. و جت الخطوبه و اتخطبنا عالضيق من غير حد من أهل ابويا ولا أهل امي قلنا
فالفرح احسن عشان كل واحد ف الفرح هيكون ف حاله مش هيكون في مجال أنهم يتعرفوا علي بعض و يعرفوا اننا خبينا عنهم موضوع عمي ده .. المهم بعد خطوبتي بشهرين جه
خطيبي قالي في مطعم حلو اوي نفسي اجربه بيتكلموا عليه علي النت قلتله طيب ماشي لو كدا نروح سوا ويارتني م قلتله كدا .. رحت و اتفاج،ئت فالطريق أنه الطريق للمطعم اللي عمي شغال فيه بقيت عماله اتحججله و اقوله طب يلا نروح انا
تعبانه اي حاجه و هو مفيش قالي تاكلي الاول بس ده بيقولو بيعملوا سندوتشات كفته شعبيه كدا رهيبه .. اضط،ريت اروح و خلاص و قلت أنا و نصيبي .. المهم رحت و اول م وصلنا طبعا المطعم ده مفهوش كراسي يعني بياخدو الاكل و يقعدو
علي كافيتيريا كدا جنب المطعم ف رحنا و طلبنا و شفت عمي من بعيد بس الحمدلله مشافنيش المهم لسه بناخد الاوردر و
بجري علي الكافيتيريا اتفاجئ،ت أن عمي بينادي عليا ب اسمي من بعيد عملت نفسي فالاول مش واخده بالي لحد م خطيبي اخد باله وبيقولي في واحد بينده عليكي جاي وراكي
اهو مين ده بصي كدا و بصيت و يارتني م لفيت لقيت عمي داخل عليا بهدوم بايظه خالص و جاي عاوز يسلم عليا و
يحضني راح خطيبي مزع،قله و قاله انت مين ي راجل انت راح عمي قاله في ايه ده انا عمها اخو ابوها مالك ي ابني انا اتسمرت مكاني راح خطيبي ف نفس اللحظه قالي …
يتببببببببببببببع