ياجماعه ممكن اتكلم معاكم شويه
انا متجوزة من سنتين وربنا كرمني وخلفت بنوته الحمدلله جوزي وحماتي كويسين الحمدلله معايا
ف اول الجواز العشيان اللي بتيجي للعروسة من عند بيت ابويا كلها بتروح لحما تي عادي حما تي قاعد معاها سلفتي والعشيان كان بيجي فيها لحوم وطيور ورومي و بط وشكاير مكرونه ورز وشعريه فضلو يجيبوا لحد شهر من بعد الجواز وكل ده تحت عند حما تي وكمان انا اللي عندي ف التلاجه نزلته لحماتي بحكم اني مش عازلة وبناكل ونشرب تحت وكل ده عادي بالنسبة ليه وكنت ببقي مبسوطه وفرحانه
لحد بعد مالعشيان خلصت يعني بمعني بعد جوازي ب 9شهور لقيت الوشوش اتغيرت وبقيت سلفتي تقول هي مش بتصرف فالبيت زي ماانا بصرف ليه مع العلم أن هي معاها 3اطفال اصغر طفل 5سنين يعني ماشاء الله كلهم بياكلوا وانا لوحدي وجوزي بيسافر بحكم شغله
ولقيت حما تي كل شويه تقولي الدنيا غلا ومفيش حاجه لو اخواتك عطوكي فلوس وساعدني بيها انا كبرت دماغي لاني لوحدي وكمان هما العشيان اللي كانت زياده باعوها للسوبر ماركت والله العظيم انا صعب عليا اهلي ييجيبوا وهما يبيعوها وسكت
ووقولت حما تي حره وحتي المياسم مش بشوف منها حاجه والله واهلي مش بيجيبوا قليل وجيت حملت وولدت وانا قاعدة ف شقتي ماما جابتلي عشا برضو حما تي قالت لجوزي ازاي تخليهم يطلعوا العشا فوق خليهم ينزلوه جوزي قالي
يتبببببببببببع