انا متجوزة من ٣سنين تمام ربنا مرزقناش بطفل لحد الآن بس فى امل نحاول نخلف ان شالله
فجوزى اتجوز زوجة تانية يعنى من سنة كدا و هى اكبر منى بخمس سنين قريبة من سن جوزى بتعمل حركات الناس الصفراا معايا يعنى هى قاصدة و لا لاء ف
عايزة احكيلكوا عن الصورم اللى هيا فيه و قولولى اتصرف ازاى اول شهرين تمام مفيش مشاكل حياتنا عادية
من اول الشهر التالت و المحن ابتدأ المفروض هو موجود فى أيامى بترن عليه كل شوية و تبعت رسايل المفروض تحترم شوية انى مش بتصل بيه لما يكون عندها ليه الرذالة ديه كل شوية الموضوع يضايق بجد
كان فى رقم كل شوية يرن عليا و لما ارد محدش يتكلم فعملت بلوك بعديها برضوا رقم رن عليا و حصل نفس الكلام
فخليت اخويا يشوف الرقم ده بتاع مين طلع الاتنين باسمها
يعنى انا مش فاهمة هى جابت رقمى منين و بتعمل كدا ليه انا محكتش الموضوع لجوزى و سكت و عديته
العيادة اللى انا شغالة فيها فيها ٤ دكاترة غيرى فى الدور اللى بشتغل فيه فأنا كنت رايحة العيادة لقيتها حاجزه عندى و منتظره دورها اول واحدة هى و امها و دخلت سلمت عليا و عاملة اي و بتاع بس انا ابتسمت فى وشها بس و كانت جاية تكشف و تعمل تحاليل المهم هى حامل قعدت بقى تحكيلى
يتبببببببببببببع