السلام عليكم بدون اسم لو سمحت
انا عروسه بقالي شهرين جواز ويوم الفرح بتاعي قدر الله ان يحصل مشكــ.له بين اهله واهلي ولا انا ولا هو لينا ذنب فيها ويوم الفرح بعد ما اتقفل علينا الباب قالي مش عايزين حد منهم واحنا مع نفسنا اللي عايز يجيلنا اهلا وسهلا
ومع الوقت الدنيا بتتصافي مدام احنا كويسين مع بعض خلاص وسكت وقعدت اول اسبوع كويسين ، بدأ اهله يجو استقبلتهم مع انهم غلـ.طوا في اهلي كتير وشيلتهم فوق راسي وطلبت منه اني اشوف اهلي واهلي يجولي وخصوصا اني بنت وحيده وبابا وماما كانو قلقانين عليا
، رفض تماما وبعدين لما انا صممت بقي ميقعدش يقابلهم ولما يعرف انهم جايين يمشي سكت وعديتها راح لاهله مره رجع متغير وقالي اخواتي عايزني اطلقك سكت معرفتش ارد وفي نفس الوقت قايمه بكل واجباتي الزوجيه كويس
بقي يطلب مني اروح لاهلي وانا كنت برفض عشان انا عروسه يعني ومينفعش حد يشوفني في بيت اهلي يعني عشان الناس متفكرش حاجه
يقولي عندي شغل اقوله عادي انا هقعد لوحدي متعوده علي كدا بقي يسيبني من الساعه 11 الصبح لحد الفجر ولا حتي يسأل فيه ولو اتصلت ميردش وبرضو كنت بستناه واقوله احضرلك الاكل وكدا يقولي لا ويدخل الاوضه وينام و يسيبني لوحدى و يعمل نفسه من بنها وانا كنت كاتمة في نفسي عشان مزعلش اهلي عليا
اتكلمت معاه قالي تقعدي على ذمتي وزي اختي واصرف عليكي ولا نتطلق
قعدت اتحايل عليه واقوله كده حرام يقولي انا عايز ادخل النا ر
المفروض ادخل اهلي ولا اعمل ايه انا عروسة مكملتش شهرين و والله معملتلهووش حاجة حسبي الله ونعم الوكيل