اتقدم لبنتي واحد من نسيبنا من بعيد شافها في فرح مشترك بينا هوه كان وقتها محاسب بالامارات وهي طالبه بالجامعه لقيناه مناسب من حيث الخلق والدين وافقنا وكتبنا الكتاب قعد شهرين وسافر علي أنه ينزل بعد سنه ونصف يتجوزوا هيى في المده دي كانت اتخرجت وتم تجهيز الشقه والعفش
ونزل اجازه واتجوزوا في شقه ايجار مع العلم هما عيله ميسورة الحال واحنا كمان الحمد لله المهم بعد الجواز بشهر اتعينت بنتي في مدرسه ثانوي لأنها طلعت من الأوائل علي الكليه ثم حملت وبعدها سافر جوزها للامارات وكنسل شغله ورجع عمل مشروع وفشل وقعد في البيت وهي بقت تصرف وأهله يساعدوا شويه واحنا شويه
وخلفت بعد كده واحد كمان راح عمل مشروع تاني أهله ساعدوه فيه ومشي المشروع ومع مرتبها جت خلفت توام وقدمت عل اجازه من الشغل أصبح مفيش غير المشروع يصرف علي البيت والأولاد علما أن هي كانت تعمل جمعيات علشان مصاريف المدارس قبل ما تاخد اجازه والمشروع فشل
وقفت جنبه بقت تبيع الدهب ورا بعض لغاية لما خلص بعد كده جه أبوه وقال لها انتي ليه مش عاوزه تضحي وترجعي الشغل قالت له انا مش عاوزه اضحي وعرضت عليه كل اللي عملته من يوم ما اشتغلت وكان يوم مش كويس
يتببببببببببببع