بنات انا مخنوقه اوي
لو سمحتوا قلولي انا غلط ولا لا
انا متجوزه من سنه وشهرين ومعايا ابني 50يوم وساكنه بعيد عن بيت اهل جوزي انا ساكنه في المدينة وهما ارياف
المهم ابن سلفتي في 3ثانوي ساكن في الشقه اللي تحتينا انا في الدور الثالث وهوا في الثاني قاعد لوحدو علشان المدرسه والدروس بس اختو في 3اعدادي بتيجي عندو كل يوم وأوقات بتبيت عندي المهم من ساعت ما اتجوزت ونا بعملة اكل زي ما بأكل انا وجوزي بنعملو اكل زينا وجوزي بينزلو الاكل قبل ما احني نأكل حتي كنت حامل وتعبانه وبردو كنت بعملو الاكل واختو كانت تيجي تبيت هي ووحده قريبتها يفضلو قاعدين على النت لحد ما انا اعملهم الاكل واجيبو لحد عندهم ويخلصو اكل ويدخلو يكملو قعدتهم على الفون والنت مع اني كنت تعبانه وعندي مشاكل في حملي
وأوقات جوزي كان بيجيب اكل ل ابن سلفي ده من بره ونا لا
مره قعت 15يوم ماكلتش لحم ولا فراخ وجوزي كان يوم ويوم يجيب ل ابن سلفي نص فرخه يوم اه ويوم لا وبردو كنت ساكته دلوقتي انا ولدت وابني مش بيردا يسيبني خالص في يوم ابني كان تعبان ومنمش طول الليل زن وعياط ونا شايله وقاعده طول الليل جه الصبح جوزي بيقولي اعملي فطار ل ابن اخويا قلتلو انا تعبانه مش هقدر اعمل
المهم اتخانق معايا جامد وقالي روحي بيت ابوكي انا مش عاوزك كل ده علشان قلتلو مش هعمل فطار
مع العلم أم الولد ده عندها مواشي وكنا بنروح نشتري لبن وجبنه من جيرانهم وهي مجتش مره وبعتت شويت لبن حتي مقالتش ابعتلهم لبن علشان اللي بنعملو مع ابنها
انا اساسا مش عاوزه منهم حاجه
دلوقتي اهل جوزي عمالين يقولو عليا اوحش كلام واني مش كويسه كل ده علشان مردتش اعمل فطار ل ابن سلفتي
هوا المفروض انا ملزومه من ابن سلفي
مع العلم كل واحد من سلايفي قاعد لوحدو
اسفه اني طولت عليكم