لوسمحت با أدمن تنزل مشكلتى.
أناعندى ٣١ سنة ومتجوزه من ٥ سنين (أنا وجوزى فى مركز مرموق )عندى بنت ٣ سنين وولد رضيع .مشكلتى ان جوزى ضربنى قدام امه واخته وانا شتمته اما مد ايه عليا وهددته ان هعمله محضر،ضرب (دا تهديد بس انما طبعا معملتش حاجه )وهوا طبعا زود فى الضرب
بعدها سبته ودخلت اوضتى اعيط وقفلت عليا الباب مفكرش حتى يجى يصالحنى او يعتذرلى .صعبت عليا نفسى اوى تانى يوم خدت هدومى وولادى ومشيت من البيت وبقالى اكتر من شهرين غضبانه ولا عبرنى حتى مع ان هوا الغلطان وضربنى بدون سبب يستحق .
انا مش عايزه ارجع بس صعبان عليا انه باعنى ورمانى بسهوله وانه مش بيحبنى ولا شارينى وكأنه ماصدق .انا بس خايفه على ولادى مقدرش اربيهم لوحدى واوفى طلباتهم وفى نفس الوقت مقدرش ارجع مذلوله او اعيش مع واحد لو مرمانيش دلوقتى هيرمينى قدام لما اكبر وتخونى صحتى وجمالى ومقدرش وقتها اتجوز تانى ولا اشتغل