انا متجوز انسانه قاسية اوي على امها لدرجة بتوصل للشتيمه لامها باقبح الالفاظ وبتصل للزق والخبط في ايدها وعلى جسمها رغم ان حماتي ديه ست كويسه جدا
عمري ما شوفت منها حاجه وحشه و دايما اتحايل عليها تيجي تقعد عندنا يومين علشان ولادنا كمان بيحبوها جدا بس زوجتي دايما تنهرها وتنعتها بالالفاظ امام حتى الولاد
لدرجه ان الست تبكي في الحقيقه انا محتار جدا معرفش ليه بتعمل معاها كده رغم اني متجوز من ١٥ سنه واكتر بس زوجتي معايا كويسه وعاديه انما هي مع امها بقت كده
من حوالي ٥ سنين وحمايا متوفي من ١٠ سنين وخايف ولادي يتعلموا منها الجحود ده ويعاملوني كده لما ابقى في عمر حماتي زي ما بيشوفوا امهم بنعمل كده في امهاا
ومش عارف فعلا اعمل ايه انا بعد ما تحصل مشكلة بينهم وزوجتي تعمل معاها كده بافضل اطيب خاطرها وابوس دماعها واقولها حقك عليا والله مره قعدت تحت رجلها
وكنت هبوس رجلها علشان متمشيش من عندي مكسورة الخاطر ومتهانه كده وفعلا مش قادر اعمل اي حاجه غير النصيحه لزوجتي وتذكيرها بالآيات القرآنية
ياريت لو حد عنده حل لحاجه زي ديه يقولي لو سمحتم
نزل يا استاذ ناصر لو سمحت بدون اسم