” اى كل الضرب اللى فى جسمك ده ” الجز الثاني و الأخير .. بقلم هند الحجار
بصتلى وقعدت ومبقتش عارفة تتكلم لأنها عارفة كويس جدا أن هى غلطانة ،
كانت حور بتبص ببراءة لينا وهى مش فاهمة حاجة خدتها وشلتها دخلت اوضة الأطفال ونمت جمبها
وحضنتها وحسست على شعرها لحد ما نامت ،
قفلت النور وقفلت الباب عليها قعدت فى الصالة وانا متدايق ،
انا مبحبش القسوة عمر ما كانت التربية بالضرب والزعيق ،
بالعكس الضرب ممكن يعقد الطفل يخليه يخاف من اى شئ حواليه ،
بعدين ده اسمه طفل يعنى اية بيتعلم لسة بيعرف الدنيا ،
لسة واحدة واحدة هيكون كويس ، عمر ما كان الضرب والقسوة كان حل بالعكس ده هيربى تعقيدات وخوف من المجتمع ، مش هيعرف يعيش طفولته زى اى حد طبيعى ،هيكون شخص انطوائي ، انا اعلم وانصح من غير ضرب عادى مرة ورا مرة هيتعلم ، عمر ما كانت العنف والقسوة طريقة للتعليم أو النصيحة ابدا
بعد شوية دخلت عليها لقتها قاعدة على السرير وبتفرك ايديها من التوتر ،مدتلهاش اى انتباه نمت من سكات جنبها
فجأة قربت منى
_ انا اسفة والله ما هتتكرر تانى
_ يعنى عارفة انك غلطانة
هزت راسها بأيوا
_ انا بس كنت متعصبة وهى كمان عصبتنى اكتر فمعرفش ضربتها كدا ازاى
_ اللى عاوز افهمهولك أن الضرب مش حل علشان تفضى عصبيتك أو غضبك دى طفلة
يعنى محتاجة مسايسة لين حنية ،
انتى تعاقبيها أما تكبر شوية وكمان مش بالضرب بالطريقة دى ،
علشان كدا هتتعقد وهتخاف من المجتمع اكتر
_ خلاص انا مش هضربها تانى حقك عليا متزعلش
حضنتها
_ وانا كمان متزعليش منى عاشان زقيتك
_ مش زعلانة كنت عارفة انك مدايق منى ، وكان لازم اعرف غلطى
” الضرب والزعيق عمرهم ما كانوا حل لتعليم الطفل ،
جرب تتعامل بهدوء اكيد هتلاقى نتيجة احسن”
حكايات هند ??
#هند_الحجار