كنت قاعد مع بنتى بنلعب انا وهى فجأة وانا بشلها لقتها بتبكى بطريقة رهيبة وكأنها بتتوجع من حاجة فتحت الجاكت بتاعها ، لقيت كمية ضرب وعلامات زرقة قولت وانا منصدم من اللى شوفته
_ اى كل الضرب اللى فى جسمك ده
بصتلى بطفولة طفلة عندها اربع سنين فى جسمها كل الضرب ده ،سمعت كلمة منها وهى بتعيط
_ ماما بتضربنى
بصتلها وقفلتلها الجاكت
_ مامتك اللى عملت فيكى كل ده
هزت راسها بأه شلتها ودخلت الاوضة اللى فيها مراتى ، كانت قاعدة ماسكة الفون وبتضحك
_ اى ي نوح فى اى رعبتنى
اتكلمت بكل زعيق ، فتحت الجاكت
_ ممكن اعرف اى ده
بصتلى بخوف
_ انا انا مكنش قصدى هوو
صوتى على اكتر
_ انتى مجنونة بتضربى طفلة صغيرة بالمنظر ده عملتلك اى عاشان تشوهيلها جسمها بالطريقة ده هااااا عملتلك اى
_ أهدى بس ي نوح والله انا فعلا ضربتها عاشان مش بتسمع الكلام وديما مغلبانى
_ تقومى تبوظى جسمها كدا حرام عليكى هى دى قدك عاوزة تعقديلى بنتى
_ هى بنتى زى ما هى بنتك وأظن أن عارفة مصلحتها
كانت بتكلمنى وهى واقفة زقتها
_ واقسم بالله أنا ما عاوز أمد ايدى عليكى بس والله العظيم انا لو عرفت انك مديتى ايدك عليها تانى لكون مادد ايدى عليكى !
يتبع