انا طلقت زوجتى الاولى لانها كانت مسترجلة و شايلة كرامتها فوق راسها,مش بتستحمل كلمه من امى و لا حتى من اى حد و بترد عليه و تديله على دماغه و تبريرها كرامتى فوق كل اعتبار.
حتى لما المدير بتاعها زعق لها ,دلقت عليه شاى مغلى و استقالت و اسست شغل لها عشان تبقى مديرة نفسها.
اتطلقنا و اتجوزت واحده غيرها
,
المشكلة بقى من ساعة لما اتجوزت التانية و انا بفكر فى الاولى و للاسف بقيت اقارن و لو فى دماغى.
مثلا التانية لا تعمل لكن معتمده على ماديا فى كل حاجه و شايفة مادام مش بتشتغل يبقى انا الفانوس السحرى اللى لازم يلبى كل الطلبات
.
بتحب المكياج و التجميل و بتجيب ماسكات و بلاوى لكن فى العلاقة زى الدمية,لا مشاعر ولا احاسيس و عمرها ما تبادر بالعكس بتستخدم معايا اسلوب الفلوس مقابل العلاقة و دلوقتى بقت تشترى اونلاين و مجبر ادفع
.
الاولى صيحيح كانت خشنه فى الخارج لكن فى العلاقة غير و كنت بحس معاها انى مرغوب ده غير كان عندها دخل محترم و بتشارك فى مصاريف البيت.
دلوقتى الموضوع اتطور و بقيت افكر فى الاولى و انا معا التانية اشعر بالرغبة لما افتكرها او اشوف صور و فيديوهات كنا واخدنها مع بعض,التانية انا زهدت فيها بقيت احس انى لازم اطلب و اتحايل و حتى ادفع فواتير من اجل علااقة مملة.
يتبببببببببببببع