عايزه اعرف رايكم قبل ما اعمل مشكله دلوقتي مراتات اخواتي الاثنين سايبين ماما لوحدها وكل واحده فيهم طلع فى دماغها تشتغل الاول كانوا الاثنين بيخدموها عادي
بعدين واحده قالت لا انا عايزه انزل اشتغل نزلت تشتغل والثانيه كانت بتخدمها شويه والثانيه غارت منها
وقالت عايزه اشتغل انا كمان والاثنين نزلوا يشتغلوا مع ان هما مش محتاجين اي فلوس اخواتي مكفينهم من كل حاجه بس هم بيتحججوا عشان ما يخدموش ماما وماما
عندها السكر وبتحتاج تاخد حقنه انسو لين والاثنين عقبال ما يجوا يتدلعوا بالليل بتكون ماما تعبت وانا واختي ساكنين بعيد ومش هنقدر نيجي كل يوم
وما ينفعش نيجي كل يوم عشان عندنا بيتنا واولادنا ولما اتكلمت مع اخواتي وكل واحد زعق مع مراته زعلوا مني
وقالوا لي انت السبب في المشاكل اللي حصلت بينا وبين جوازنا طب هو انا كده غلطانه المفروض اسكت واسيب ماما ما فيش حد يخدمها المفروض هم الاثنين طالما مش محتاجين فلوس يسيبوا الشغل
ويقعدوا يخدموا ماما وفي واحده منهم بجحه وتقولي تعالي انتي اخدميها وهي ماما كانت بتربي اخواتي وتكبرهم وتجوزهم عشان ايه مش عشان تلاقي اللي يخدمها
و اخواتي مش قادرين عليهم انا متغاظه اوي ومش عارفه اعمل ايه بفكر اروح ابهدلهم هم الاثنين وافرج عليهم الدنيا عشان ماما صعبانه عليا و هما الاتنين معندهومش اصل نزلى يا ادمن