#مشكلة عضوة
السلام عليكم
ممكن نشر المشكلة بدون اسم عايزة والدتي واخواتي يقرأوا التعليقات لانهم مش مقتنعين انهم غلطانيين ولو انا غلطانة اعرف برضوا غلطي بس ياريت نركز كويس
عندي ابن عنده ١٠ سنين وعنده تبول لاارادي وهو عشان كان بقاله فترة مبيعملش روحنا عند والدتي ولما جه ينام معملتش حسابي لاني افتكرته خلاص مش هيعمل لاني كان بقالي فترة في بيتنا مش بصحيه بليل ادخله الحمام ومش بيعمل لما روحنا عند والدتي برد لاننا نمنا علي مراتب علي الارض فبل نفسة وغيرتله والدتي فضلت تزعق وزعلت
المهم هي معاها حق بس انا والله مكنتش متخيله انه هيعمل المهم انا المفروض بعدها في اسبوع لازم نروح عند والدتي كله لان ابني مدرستة قريبه من هناك وعنده امتحانات فقالتلي لازم تشتري مرتبة لابنك قولتلها انا ظروفي
متسمحش اني اشتري مرتبة هفرش مشمع علي المرتبة الي عندكم بنام عليها وده هيبقا اخر اسبوع لابني عندكم وهنقل شقتي قبل نص السنة قالت لا والمشمع مش هينفع قولتلها ياماما ده اسبوع ويعدي والمفروض ان انا ليا معاهم فلوس باخدها ١٠٠٠ ج في الشهر
قالتلي من الفلوس دي هنجيلك مرتبة قولتلها لا لاني انا محتاجة الفلوس ومستنياها علشان اعرف اكمل الشهر
فضلت مصممه علي رايها قولتلها خلاص انا هودي ابني كل يوم الامتحان وارجع بيتي وزعلت جدا لانه مشوار كبير باخد الصبح من زحمة المواصلات اكتر من ٣ ساعات وانا راجعة ساعة ونص بيكون اسهل يتبع
تابع باقى المشكله بالضغط على الجزء التالي