رساله
يا ريت بدون تجريح
انا متجوز من عشر سنين زوجتي كويسه ومحترمه وبنت اصول
طول سنين جوازنا عمرنا ماختلفنا الا من شهرين
احنا في بلد ارياف ابو مرآتي اتوفي الله يرحمه وسايب ورث
وطبعا مرآتي ورثت وحقها مبلغ كبير كل شهر
لان في الأرياف ممنوع ارض او بيوت تنباع
لكن.اخوتها قدرو حقها بما يرضي الله وحقها فلوس كل شهر
انا قلتلها تديني نص المبلغ ده كل شهر
والنص التاني تشيله في البيت لاي ظروف رفضت
وانا عندي اختي هتتجوز بقولها اختي زي اختك
اديني مبلغ اجهز اختي تقولي ماانت واخواتك جهزوها
معقول فيه ست اصيله تعمل كده مع جوزها
مش مفروض تديني المبلغ كله كل شهر
وانا اتصرف فيه اتخنقنا ومشيتها بيت اهلها
واله روحت اجيبها مرضيتش وتقولي طلقني
اتصرف معاها ازاي وسيبالي ولد وبنت
قمت خدت العيال ادتهمله
وطلبت اشوفها اخواتها ساكنين في البيت كلهم
قالولي الكلام معانا هي مش عاوزاك بعد ما طلبت تاخد
ورثها اعمل معاها ايه الست دية