مساء الخير هو انا مشكلتي ممكن تكون بسيطه بس فعلا بقيت مخنوقه
ومش عاوزه اتصرف تصرف غلط اندم عليه بعد كده
انا مشكلتي اني زوجي مسافر وانا قاعده جنب حماتي بعيالي
ببني وبينها ٣ عمارات بالظبط ومشكلتي معاها انها بتحبني وتحب عيالي
بشكل مبالغ فيه لاني انا زوجة ابنها الوحيد انا قاعدة في بيت بابا
وبشتغل وبسيب الولاد عند ماما لحد ما ارجع من الشغل
وحماتي عارفه امتى اروح الشغل وبرجع امتي فاول ما ارجع من الشغل
تجيلي تخبط عليا تسلم عليا وتشوفونا محتاجين حاجه
وتجيب معاها اي حاجه او تعزمنا على غدا وتقعد ساعه وتمشي
وترجع تاني بليل وكل اسبوع لازم نروح عندها يوم الجمعه
وانا ببقى عاوزه افضى يومين الاجازه للبيت
واشوف مذكرة الولاد حتى لما نبقى عندها ونيجي نمشي
تقولي خليكي هو في ايه هناك هتروحي له خليكو معانا شوية
هو ده كده وضع طبيعي يا جماعه ولا حد موصيها تتصرف كده معانا
زي ما تكون عاوزه تراقبنا ولا ايه مبقتش فاهمه حاجه
بس بقيت مخنوقه من تصرفاتها ديه معانا والله وتعبت خلاص منها