السلام عليكم انا محتاجه افضفض معاكم انا ام تعبت وشقيت عشان خاطر ولادي الاربعه وشوفت ال محدش شافو من ابويا ومن ابو ولادي وانا تربية مرات اب من وانا عندي سنه لحد ما كبرت في السن وصحتي راحت الخلاصه ان بعد العمر ده كلو كان قدامي شقه
بنتي وقفت جنبي ب ١٠٠ الف وابني وقف جنبي ب ١٠٠ الف وقالي دول ليكي هديه وانتي عندي بالدنيا ومراتو ادتني ٢٠ الف تمن مطبخ هديه عدت السنين الدنيا اتغيرت ومراتو عملت لي بلوكات وسألت ابني هي ليه عملت بلوك ليا من غير سبب قالي اصلها شاكه ان أديتلك فلوس تاني للشقه غير ال هي عارفه بيهم
وطلب اكتب له ربع الشقه غير حقو في الميراث قولت له ازاي انت حاطط لي ١٠٠ الف هديه وحق المطبخ والسمسار والمحامي عن طيب خاطر قالي كان عبط ومعلش انا مش عايز اخويا ياكل حقي فيما بعد وبعد العمر الطويل دلوقت انا حاسه ان اتغدر بيا وجوايا وجع كبير منو ومش بدوق ورافضه تماما اني اكتب له ربع الشقه غير حقه في الورث هل كده هيكون فيه حرمانيه عليا وادعولي بحق الايام المفترجه دي ان ربنا يريح قلبي وبالي وبقول لكل ام بنتها او ابنها اتغير عليها الدنيا دواره وهيتعمل فيهم ال اتعمل فينا