السلام عليكم اخواتى الفضليات واخواتى الكرام ..ارجوكم محدش يستخف بألام الناس المشكله البتكون بالنسبالگم هيينه عند صاحبها بتكون مبنى عليها اسره وبيت ومستقبل ..
اولا انا مدام متزوجه من سنتين ونص ولم ارزق باولاد لحد دلوقتى . عندى ٢٦ سنه حاصله على مؤهل عالى وحاصله على بطولة مصر تلت مرات على التوالى .فى العاب قوه مفيش داعى لذكرها ..وابى كان بطل الجمهوريه واكتسبت هذه الرياضه منه ..زوجى دكتور جامعى ابن ناس محترم مهزب جدأ انسان كيوت تحسه برئ فى معملته مع الناس هادى جدا ..المشكله حتى لا اطيل على حضراتكم انى من ساعة ما اتجوزت وهو ديما يحب ينتقدنى فى حجات متستهلش الانتقاد وديما هزاره معايا بيكون عنيف وكأنه بيعوض شخصيته مع الناس فيا ..
معترفه انى اول متجوزت مكنتش بعرف اطبخ لاكن دلوقتى نسبيا الحمد لله عن طريق البرامج اتعلمت شويه ..مفيش اكله عملتها الا لما يعييب عليها ويسد نفسى بكلام يزعلنى حتى العصير برضو يعيب مسكر او دلع اى حاجه بيعيب عليها وفى مره كنا بناكل وكنت عمله طاجن فى الفورن ومتأكدا انه حلو بعد مخلصنا اكل مستنيه يقولى تسلم ايدك فبقوله ايه رايك لقيته قالى وحش ..زعلت جدا حب يصالحنى وبيمد ايده على وشى ورحمة ماما ما حسيت بنفسى غير انى لويت دراعه وعطيته فى وشه وحده هاند بوكس وعدة ضربات نتج عنها خلع سنه اماميه وجرح فى الشفه وانا قبضة ايدى اتعورت .محستش بنفسى فضلت افوق فيه لحد ما فاق ووشه كله دم ..بابا عرف وجه ضربنى علقه عمره مضربنى بالشكل ده طبعا كان ناوى يطلقنى بس لما شاف ضرب بابا فيا اشفق عليا والموضوع هدئ بس ياريته ما هدي حسيته بقا بيخاف منى اوى اى اكل اعمله يقولى تسلم ايدك وكل ما يشكر فى اكلى بقيت بزعل اكتر حسيته بقا بيخاف منى نفسى ارجعله شخصيته الطبيعيه لدرجة انى بقيت اتعمد محطش ملح عشان يقولى الاكل وحش وانا اعمل نفسى مكسوره قدامه عشان ترجعله شخصيته زبرضو يقولى تسلم ايدك ..
المشكله فى العلاقه مبقاش قادر خالص بقيت اعمل معاه زى اسفه بنات الليل وبرضو مش نافع معاه خالص حتى فى العلاقه بحسه بيخاف منى مفيش منه حاجه خالص ..المشكله ان منع اخواته يجوله عشان عينه الورمه وشفته المتخيطه وسنانه المكسوره ..هم قلقو عليه جم زياره شافو وشه زشافو الجرح اللي فأيدى وطيعا عارفين انى لاعبة ……. شاكو انى ضربته ..مامته فضلت تدعى على الضربه باشد الدعيه وانا قاعده لانه قالهم مشكله فى الشارع ..بالله عليكم قوليلى اذاى اصلح الحصل ده لانه فعلا معدش بيرفضلى اى طلب ويفضل يشكر فيا ويمدح فى جمالى وشياكتى واكلى لاكن فى اوضة النوم زيرو زيييييرو