السلام عليكم ورحمه الله وبركاته ..
لو سمحتم انا متجوزه ف بيت عيله بقالي سنه اهو و الفتره اللي فاتت عشان الحمل رحت اقعد عند والدتي اسبوعين كدا عشان ارتاح شويه من تعب و شغل البيت … و جوزي صراحه وافق و رحب بالموضوع و بقا يعدي عليا كل شويه يتطمن كل كام يوم كدا .. المهم انا جيت ف يوم حسيت اني اتخنقت و عايزه اروح بيتي ف قلت بدل م اتصل ب
جوزي يجي ممكن اعملهالو مفاجاه و اروحله ع البيت علي طول بعد ميعاد الشغل بتاعه بحيث يكون روح البيت و افرحه بيا و بوجودي مفاجاه .. المهم اخويا ركبني و وصلت البيت و فتحت باب الشارع
بالمفتاح و دخلت انا حماتي ساكنه فالاول و سلفتي ف التاني وانا ف الثالث .. المهم شقه حماتي اخبط مفيش حد فيها شقه سلفتي كذلك فاضيه برضو و اخبط مفيش .. المهم قلت يمكن راحوا ف حته لسه طالعه شقتي و بفتح الباب اتص**دمت فاللي شفته شفت جوزي و هو ….
قاعد ع الكنبه و جنبه ممته و اخواته و سلفتي ف المطبخ بتعملهم عشا .. انا الصراحه اتنرفزت اللي هو ازاي صاحبه البيت مش موجوده و حد يدخل المطبخ طب مثلا اهله و جم قاعدين برا و تمام لكن ليه سلفتي تخش مطبخي و تفتح حاجتي وتطبخ مش بالذمه حاجه تزعل ؟ ..
المهم زعقت مع جوزي ف الاوضه و هما تقريبا سمعوا ف طلعنا لقيناهم نزلوا راح جوزي حالف عليا م انا مبيته ف الشقه و روحني علي بيت اهلي .. حاليا اهلي بيغلطوني ويقولولي حركه قله ذوق ، ف انا عاوزه اعرف هل انا غلطت ولا ايه ؟