تعديل….اولا ربنا يبارك لأي اخت دعتلي وكل اللي قال كلمه وحشه الله يسامحه….انا مش سلبيه بس لما الساكنه دي الناس كلها عارفين ان هي وحشه وممكن تعمل اي حاجه وصاحب البيت قالنا ان كانت ساكنه قبل كده والراجل طردها وأقرب حاجه لما روحنا لجوز اختها عشان هو ده اللي جابلها الشقه وسكنها وتقوله انا هولع فيهم ببزين قادره وتعملها انا ارد عليها ازاي ..انا بشتري جوزي ..جوزي طيب ومريض بأمراض كتير ربنا يعافيكم ازاي اوقفه قدامها وانتو عارفين عن الجرايم والقتل والزمن الي بقينا فيه وانا بابا وماما متوفيين واخواتي مش بيسالوا ولا عندي اخت ولا عم ولا خال ولا حاجه غير جوزي انا بقصر طريق الشيطان انا مجرد ما بشوفها بطني بتوجعني مش ضعف لما يكون الي قدامك مش عارف ربنا وممكن يلبسك مصيبه يبقي لازم اخاف واخضع …..وبالنسبه للسلم جبنا ست تمسحه قالوا غاليه بتاخد 40جنيه وتعمل من الرابع قالوا احنا نعرف ست تانيه هنجيبها كل اسبوع مش يتعمل برضو يقولوا الست مش فاضيه عندهم استعداد مينضفوش لسنين قدام مفيش حد حنين علينا او بيحبنا غير الست الكبيره وواقفه في صفي ومعايا عشان كده مدايقين مني
بعد اذن الادمن ..مشكلتي خنقاني ومحتاجه تقولولي انا غلطانه ولا لا …انا ساكنه في بيت اربع شقق الدور علي شقتين بقالي 3سنين اول ما سكنت كان معايا ساكنه فوق شقتي وست كبيره في وش شقتي انا بعملها كل اللي تحتاجه وصاحب البيت كان قايل كل واحده تمسح وتكنس كل اسبوع انا فضلت سنتين انا اللي اكنس وازعف وأمسح كل يوم لان بحب النظافه بوسواس عشان هي ست كبيره والساكنه اللي فوقي كانت حامل مكنتش بخليهم يعملوا حاجه …
ولدت بالسلامه وفضلت سنه كمان متعملش ووقت ما قولتلها نساعد بعض في السلم زعلت المهم هي خرجت علي بيتها ربنا يوسعها عليها فضلت برضو شايله البيت جت ساكنه في البيت عشان هي بتشتغل فضلت شايله السلم حتي لو بموت بجيب من اول الرابع لحد البوابه كنس ومسح ووقت ما لقيت استغلال لصحتي وهي بتدي درس وكل ساعه البيت عاوز يتكنس لان ما شاء الله بيطلعوا عندها كتير فجوزي قالي كفايه هما مش مقدرين وحاطين في دماغهم ان ده فرض عليكي مش كرم منك انتي تعملي دورك ودور الست الكبيره لقيت بقي القلبان من الست اللي فوق الحاجه الكبيره بتشتكي لصاحب البيت ان عوزاني اطلع تاني امسح من الرابع وتقوله دي هي بتمسح من قدام شقتها لحد تحت صاحب البيت قالها ملهاش تعملك فوق ومره تانيه ترن عليه وتقوله خليها مش تنفض علي السلم عشان هي اللي بتوسخه مع العلم انا كل يوم بعمل من قدام شقتي لحد البوابه
المهم جالي ساكنه فوقي مكان اللي مشيت طبعا عندي البلكونه علي المسقط كل يوم تنفض عليا وترمي زباله عليا وتنفض الشباشب علي الغسيل وتخليني ناشره تجيب اكياس وتغرقها مايه وتنشر فوق غسيلي ببعت بنتي واقولها قولي لطنط انتي شايفه الغسيل وانتي ناشره حاجات بتنقط تقولها امك ناشره من امبارح وبتغسل كل يوم خليها تحطه علي الانتريه امك فاضيه بتسهر طول الليل وتمسح السلم منظره قولت لبنتي خلاص هغسله تاني عشان هي شكلها قادره من كلامها وانا تبعد عنها تخليني امسح الشقه كل يوم تنضف كيس المكنسه الكهربيه عليا وادخل امسح واتحسبن واسكت تخليني انشر تفرك الشبشب والطينه علي الغسيل روحت ندهت علي الست الكبيره تشوف راحت مفتوحه تقولي انتي فاضيه وبتتمنظري وكل يوم تمسحي وتتفرجي علي التلفزيون وانتي عاوزه كده امسلك العصايه اول باول عشان متعمليش فيها كبيره واخبطي دماغك في الحيطه انا مردتش خالص غير لما قولتها علي المياه اللي بتنزل من عندها والتراب لقتني مش ملاحقه عليها وعماله تسقف فسكت الي مزعلني اللي انا اعتبرتهم اهلي لاننا في بيت واحد وهما اعتبروني خدامه اعمل إ يه في اللي فوقي دي وكمان عندها قطط كل ما تخلينا فاتحين او ولادي نازلين تنزل القطط تخش علينا الشقه نفضل نصوت وهما يضحكوا فوق ولما اشتكينا تقولي دول قطط مش كلاب وبينزلوا غصب عني وطبعا السلم عندهم فوق مش نظيف وانا بعمل من عندي كل يوم تروح نازله بالزباله منقطه وبالذات قدام شقتي تحسي انها بترش كنافه
والله العظيم وأنزل انا اكبر دماغي واعمله وتكررها تاني وترش تمر لما اشتكي تقولي انتي فاضيه انا عاوزه حل عشان بخاف من لسانها وصاحب البيت اهم شئ عنده الايجار وكل لما نكلمه تفضل تضحك معاه وتقلب الايه وتعمل نفسها ملاك وتحلف كدب انا بتصدم يقولها انتوا اخوات تخليه يمشي تبدتي تاني ومش معايا امكانيه اخرج من الشقه اعمل ايه ومحدش يغلط فيا بالله عليكم