لوسمحتم كنت عايزة تقولولي نصيحة في حاجة تعبت نفسيتي جدا وخايفة من عقاب ربنا
..انا عايشة في شقتي لوحدي انا وزوجي وأولادي بس كل يوم لازم انزل لحماتي اساعدها في شغل البيت
في يوم كان عندنا ضيوف فكنت بعمل عصير روحت وقعت السكر كلة على الأرض نضفتة بسرعة قبل ماحماتي تاخد بالها …لما الناس مشيت سألتني ان السكر ناقص من المطبخ قولتلها مش عارفة بس انا كذبت لاني خايفة اقولها …
في مره تانية كنت بطبخ وحماتي كانت نايمة ف غصب عني نسيت الاكل على النار لما الاكل اتحرق والحلة كمان باظت روحت رميت الاكل والحلة في الزبالة وعملت غيرة لما صحيت لاحظت ان الحلة مش موجودة راحت سألتني قولتلها مش عارفة وكذبت تاني …ضميري كان بيعذبني جدا روحت سألت على سعر الحلة والسكر وأخدت فلوسهم من معايا و..
وانا بنضف اوضة نومها حطيت لها الفلوس في الدولاب من غير ما تشوفني تعويض يعني
المهم انها اخدت الفلوس ما اتكلمتش ولا سألتني الفلوس دي جات منين .
والكلام دا كلة من 3 شهور وهيا شغالة كل لما انزل وايجي سيرة الحلة وانها مش لاقياها تدعي وتقول ف وشي الاهي ما يجعل حيلتك غيرها يالي سرقتي الحلة وتدعي في وشي كل يوم وقالت ل بنتها ول سلفتي التانية كمان المشكلة ان انا خايفة اصارحها واقولها ..وضميري بيعذبني كل لما تدعي ف وشي