احنا خمس اخوات اربع بنات وولد واحد
ابويا كان عنده بيت كبير جدا في حدايق القبة وكان كاتبه باسم امي
بعد وفاة ابويا امي تعبت وكانت محتاجة حد يخدمها فا قررنا انا واخواتي البنات اننا نبيع البيت نستفيد بفلوسه وبالمرة امي تروح تقعد عند اخويا ومراته عشان تخدمها
المهم خلينا امي تمضي على بيع البيت واخدنا الفلوس فعلا وقولنا هنقسمهم بالتساوي علينا كلنا
جت بقت مرات اخويا السوسة تلعب في دماغه وان البيت ده المفروض كان بتاع ابوك يعني ورث يعني انت نصيب المفروض ضعف نصيب البنات ازاي يدوك نفس نصيبهم وكمان امك عندها ٤ بنات ليه تقعد عندي انا وانا عندي اصلا ٣ عيال منهم طفل كفيف ومحتاج رعاية
المهم قلبت اخونا علينا وبدأ يطالبنا باننا نديله فلوس زيادة وان امي تقعد عند كل حد فينا شهر
طبعا انا واخواتي البنات رفضنا وقولناله مراتك ديه حر باية وعايزة توقع بين الاخوات وبعض وانت لازم تطلقها عشان طماعة وتتجوز واحدة تانية تخدم امك بعينيها
قام هو مقاطعنا كلنا وحسبن علينا وقال امي انا اللي هقوم بيها ومش عايز اعرفكم تاني
واحنا حاولنا نصالحه ونراضيه ونعقله عشان صلة الرحم وهو برضو مقاطعنا
السؤال كده احنا علينا وزر قطع رحم ولا عليه هو لان هو اللي مقاطعنا