بعد اذن الادمن ممكن نشر مشكلتي انا في بيت عيله واخت جوزي لما بتيجي هيا وجوزها بنبقي عند حماتي مابيبطلوش طلبات من عيالي كل شويه يطلبوا من عيالي يخدموا عليهم رغم ان بنتهم بتبقي قاعده جمبهم وهيا من نفس سن عيالي عشر سنين وسبعه لدرجه مره جوز عمتهم خلت بنتي قامت من الاكل عشان تشيل شبشب بنتها وكمان مره تانيه جوز عمتها ضرب بنتي علي ضهرها
close
عشان ماقامتش تجيبله ميه يشرب رغم ان بنته قاعده جمبه هما اعلي مننا كتتتير ماديا بس انا بتضايق جدا من كده وبيصعبوا عليا عيالي اوي ومش عارفه اعمل مشاكل لان جوزي صعب جدا وهما مسيطرين اوي عليه ودائما في صفهم ايه التصرف اللي ممكن اعمله يخليهم يبطلوا كده وفي نفس الوقت ماعملش مشاكل عشان انا تعبت اوي