انا متجوز من ٣ سنوات وعندى ولد ربنا يحفظه
زوجتي مخليه البيت فل
الولد عمرى ما شميت منه الا كل طيب وبتغيرله بال ٣ مرات
طلباتي كلها مجابه
لدرجه انها تقولي تشرب كذا اعملك كذا والملايات تتغير يوم ويوم وطول اليوم بتنضف والتلاجه تفتح النفس والحمام صيدليه
لكن نضافتها الشخصيه صفرررر
ولا تستحم غير لما اززززن واقولها
وهي اللي اضطرتني اني اوقف تلميح واتكلم بصراحه واقولها مثلا البيجامه ريحتها بشاميل
او اقولها هو انت عندك عقده من الاستحمام بيطلع لك عفريت واضحك تضحك معايا وبردو لا حياه لمن تنادى
اخدتها محل مستحضرات تجميل واقولها اختارى تقولي يا عم وفر فلوسك وهات بامبرز للولد
انا جيبت شاور وبرفان وكريمات ومكياج للاسف الحاجه بقالها شهر متفتحتش
وفيه حاجه كمان بس مش فارقه معايا بس يمكن تفيد في حل المشكله هي مش بتحب تخرج من البيت نهائيا
لدرجه تعملي سندوتشات وعصير وتديني الشنطه اطلع اتفسح انا وابني
طيب لو هي صحتها علي قدها ازاي مخليه البيت فل
والولد فل طيب لو صحتها يا دوب علي قد النضافه
كتير بقولها مش مهم البيت انا محتاجلك
طبعا بتتهرب من العلاقه بعد ما بقيت اكلمها علي نضافتها..
ايه الحل لاني اتكلمت بجد هي من احراجها تقلبه هزار وبتصعب عليا
لا استحمام ولا معجون اسنان ولا تسريح شعر
كمبوش علي طول
متقولوش انت فضىحت مراتك ودى مش رجوله
محدش يعرفني واسمي مش مكتوب ده اولا
وثانيا استشير مين طيب ولا اعمل ايه ففكرت في اني اكتب هنا