انا اتجوزت وانفصلت لاني لا انجب عقيمه وعايشه مع ماما
وبشتغل في محل ملابس مرتب اصلا بيضيع علي المواصلات
اتكتب كتابي الان لمقدم بالجيش وعلي شهر ٧ هيعلق عقيد ويطلع معاش ٤٣ سنه
هو مطلق وعنده ولد مع مامته …عارف ان عندى عقم وموافق
انسان كريم جداااا
ووسيم ومتيسر ماديا
ال مضايقني بالعلاقه
انه لو لقاني نايمه وهو بيتصل لازم اصحي اكلمه
لو انا عاوزه ادخل فيلم في السينما يقولي لا الفيلم ده احلي
لو انا عاوزه مثلا اكول في ماك هو عاوز كنتاكي
هو كريم فيدخل معايه محل شوذات مثلا ويشترى لي اقوله دى احلي يقولي لا دى احلي
ومره كنا متخاصمين
علشان موضوع يصحيني من النوم ده …قالي قولي تمام يا فندم وانا اصالحك
انا كل ما اشتكي لحد يبص للمظاهر واللمكان اللي هسكن فيه والعربيه وانه هيرحمني من الشغل وانه العوض
وشايفيين اني اللي بقوله ده
حاجه سهله اللي هو انت طايله؟
ده هيطلع معاش في الجيش بيطلعوا علي رتبه عقيدحاجه و٤٠ سنه يعني لسه بصحته قالي انا لما اطلع مش هشتغل خاااالص
انا بكره الشغل وفعلا بلاحظ انه كسووووول جدا لو قع منه غطا زجاجه الميه يقولي ناوليهولي
وبيقولي كنت باخود حبس خميس بجمعه كتيرررر علشان مش بنزل طابور العرض
صحابي واسرتي شايفن اني لو تركته هكون بتبطر وربنا هيزعل مني وماما لان بابا متوفي عماله تقولي في الاخر هتعيشي وحيده قولي له حاضر ونعم وخلاص
ما يجيب الاكل اللي علي مزاجه هو انت طايله
ويختار اماكن الخروج اللي علي مزاجه هو في حد بيخرج حد دلوقتي ماما والدنيا بيقولولي متسيبهوش وانا بفكر اسيبه
اللي عنده تجربه مع ضابط جيش قاعد بالبيت علي المعاش ينصحني بالامانه