السلام عليكم ورحمه الله وبركاته
انا مخنوقه جدا ونفسى اتكلم فقلت تفضفض معاكم
انا واخوى كويسين جدا بس للاسف بعد ما اتجوز ومراته بنحاول تغيره من ناحيتنا وبتعمل مواقف كتير تضايق ومبنرداش نتكلم عشان منزعلش اخونا وقيسوا على الكلام ده مواقف كتير وبتقول اهم حاجه أنه مبسوط فى حياته
ودارت الايام وحسين اخوى متغير معاى فقلت اسأله قالى عشان مراتى مبتكليمهاش ليه
استغربت وقلتله اتصلت بها كذا مره مبتردش وزى ما تكون بتشحنه صدى ومبتعرفهوش انى بتصل بها
قلت خدى زياره حلوه وروحيلها وفعلا اتصلت على اخوى وهو كان فى الشغل وانا راجعه من شغلى قالى هى فى البيت ورحت ويارتنى ما رحت ارن الجرس محدش بيرد واتصل فون سمعت التليفون ومردتش قلت يمكن مش تليفونها وعماله اتصل والصوت اختفى وبعد كذا اتصال ترد تقولى انا مش فى البيت قلتلها اخوى قالى انك موجوده وقلت لها طيب هستناكى
قالتلى لا تمشى ومصممه وكل ده وانا مش متخيله ولا عقلة قادر يتصور انها ممكن تكون موجودة ومتفتحش الباب ورجعت قالتلى طيب هجيلك ولما تأخرت على اتصلت على اخوى وقالى انا جاى فى الطريق وقبل ما يوصل لمحتها بتبص على من شباك المطبخ ورجعت وراء على طول وبعدها اخوى وصل وباين عليه الارتباك وقالى وراى مشوار واديته الزياره وفلوس لابنه الصغير وانا مقهوره من جواى ومشيت وانا بعيط في الشارع ومردتش اعرفه حاجه ولا اتكلم معاه عشان مصغرش به وفضلت كاتمه جواى وكنت شبه منهارة لحد ما أثر على نفسيتى فى بيتى وعلى زوجى وقلت اتكلم مع اختى الكبيره وزعلت عشانى قوى وقالتلى واجهيه ومردتش عشان مخسرش اخوى واتحملت جواى ومش عايزه اعرف زوجى بحاجة لانه للاسف موقف لا احسد عليه وفى شهر رمضان كلمنى مره واحده وعليها ما اتصلش تانى ولما جيت أكلمه ولقيت كلامه مش بطبيعته قلتله انا اكتر واحده
عامله حساب لزعلك واخوتك وحكيتله على الموقف وسكت للحظه وبعدها قالى مكانتش موجوده قلتله احلف برحمة ابوك انها مكانتش موجوده وانا هجيلها لحد عندها واعتذر لها كمان انى ظنيت فيها قالى وراى شغل وهكلمك تانى وللاسف الشديد مدخلش على فى العيد وكسر بقلبى واحد الان ومش عارفه اعمل ايه ومخنوقه
مع العلم انى حكيت لاخوى التانى واضايق وبعدها قالى نقعد ونتكلم وعليها محدش سأل فى وكلهم كويسين مع بعض وانا ولا حد حاسس بيا