انا مخطوبه وانا وخطيبي كنا مرتبطين بس
مااتقابلناش ولا مره مثلا او خرجنا
لاني كنت رافضه دا وبعدين اتخطبنا ف شهر 9
ومن وقتها لحد النهارده ماقاليش ف مره تعالي نخرج
او عاوز اشوفك وقولتله كام مره عاوزه ننزل نتمشي شويه
يقولي ماشي ويطنش هو من محافظه وانا من محافظه
بيجي البيت عندنا كل شهر مره وانا بحسه بيتهرب
من اننا نخرج مع العلم اني ساكنه ف المحافظه بتاعته
عشان بدرس هناك ف حتي لما بروح هناك مش ببقولي تعالي ننزل
وانا بصراحه خايفه يكون بخيل بيتهرب مثلا انه يدفع فلوس عشان اكون منصفه
هو جه ف مره قالي هنخرج وكان هيجي
وانا قولتله لا بلاش عشان الدنيا كانت متلغبطه عنده شويه
كذا مره اقوله انا اشتريت كذا مثلا زي حاجه للتسالي او لبس يقولي
حاولي تمسكي ايدك شويه وخــ..ــايفه يكون بخيل
هو مره من يوم خطوبتنا اداني فلوس انا ماكنتش راضيه اخدها
وهو صمم ومره جابلنا موسم ومره فاكهه بس حصل موقف
اني كنت ف السكن يعني بعيد عن اهلي وفلوسي ضاعت
ومكانش معايا فلوس وانا قولتله ف عزم عليا يديني فلوس
ف انا طبيعي هتحرج ف قولتله لا قالي ماشي واتكرر دا كذا مره
هو شحنلي كذا مره كارت فكه بس كدة انه يعزم عليا عزومه
ع الطاير دي مدايقاااني جدا جيت مره مثلا بقوله عاوزه اشتري
خاتم كان ب200 جنيه وانا اللي كنت هدفع قالي لا دا غالي اوي
وبصراحه المواقف دي مخلياني محتاره هل هو بخيل
ولا الظروف هي اللي صعبه هي لو ظروفه صعبه
انا مستعده استحــ..ــملها عادي بس ابقي فاهمه انها ظروف فعلا