من رسايلكم 👇
مساء الخير من فضلكم عاوزه نصيحه
انا جوزي له واحد صاحبه اتوفى من فترة حوالي سنه وجوزي كان صديقه المقرب جدا له وانا صاحبة زوجته وكان بينا صداقه وزيارات وعزومات وفسح مع بعض ومن يوم وفاة صديق زوجي وكل امور زوجته وأولاده زوجي اللي بيقوم بيها واي حاجه بتحتاجها انا كمان
بساعدها ومؤخرا بدات اشعر ان بينهم كلام بعيد عن أمورهم وظروفهم وفاتحت زوجي في الموضوع ده لدرجه اني قولتله لو عاوز تتجوزها اتحوزها بس اكون عارفه بلاش تغفلوني وافضل اشك وادور وراك فهو دلوقتي جاي يقولي انا عاوز اتجوزها علشان ادخل واخرج عندهم
براحتي ومحدش يقول عليها حاجه وانا قولتله اللي انت شايفه اعمله لان هو من النوع لو حط حاجه في دماغه هيعملها فانا مش عاوزاه يعمل حاجه من ورايا وفعلا اتكلم مع اهلها ووافقوا وهو بيفكر يجبها كمان البيت عندنا في شقه فوقينا فاضيه
دلوقتي يا جماعه انا مقهورة اوي وحاسه ان حياتي بتضيع وبيتي بيتخرب وهما دلوقتي مخطوبين ومعرفش ايه لللي بيحصل بينهم وكلامها بقى ببتعوج عليا مش زي الأول وحاسه انه لو اتجوزها فعلا هموت بقهرتي ومش عارفه اعمل ايه هل طلاقي منه ده حل واخد
عيالي وامشي ولا اعمل ايه مش عارفه هقدر استحمل انه يبقى مع واحده تاني وكمان في نفس البيت يعني هو ده جزائي ان كنت مصاحباها ومخلصه لها وبعد وفاة جوزها كنت زي الاخت بالظبط
ازاي هي توافق انها تاخد جوزي مني وتخرب عليا حياتي مش عارفه اعمل ايه بحد بس والله تعبانه اوي